انا هوى بالي طويلات الاعناق

[فتى الرابيه]

انا هوى بالي طويلات الاعناق === دلال رسلان لها وسط وعنوق
جيب الهشيم وشفت للنارسوراق=== شفت السنامن مفرق الجمرمفهوق
اليافاحت اللقمه ترى الهيل لحاق== يازين كف الهيل بالنجر مصفوق
اشربدق الهيل يامال الاعتاق === خل الشفاوي يسمع الهيل مدقوق
ليامن راع الكيف من مرقده واق== ادعه على الفنجال والحي مرزوق
يوم الهدوس بسكرة النوم غراق=== ياماحلا صوت الفناجيل مسيوق
بيت يزورونه شريفين الاخلاق === بيت شريف وراعي البيت ماثوق
مدهال من يعبالهم صلف الاطلاق==واللي تشايل ديدها تقل جالوق
صفرا الى حنت عطيفه تفهاق=== جاها حويرها من الحبس مطلوق
وناسة الخاطر يزيلن الاغلاق=== ودنياك ماداوم طربها لفاروق
صيور زفرات الهبايب بالادواق== لابد من يوم يصير الهوى دوق
من حسب الدنيا على جبر ودقاق == ماطاب عيشه لو يحوق الذهب حوق
ماضاع حرفي علىالسفن حداق== ولادام من عد الذهب وزن وعروق
والبخل مايغني رديين الاوفاق== كثيرهم ثوبه على المتن مشقوق
لوتشنقه مادرك ثمن موس حلاق ==ان كان ماحد خلصه مات مشنوف
والجود مايضعف زكيين الاعماق ===اللي على الزابن دفع منهم السوق
مكرمين الضيف بكبار الاشناق===جل الغنم والا عداو من النوق
يفداهم اللي لاشرف السلم هتاق== اللي ولد جاره من ابناه مفلوق
وصلو على المختار مالاح شعاق === مانزاح ليل وبزت الشمس بشروق
--- الشاعر مرشد البذال يرحمه الله ---
ملاحظه يااخوان القصيده موكامله
تحياتي