مرثية الشاعر بدر الهبيري في صياف الحربي

[عز الخوي]

يامـن يعزينـي بفقـد ابـن عـواد
وانا من امس محارب النـوم عينـي
تبكيـك ياصيـاف ربعـك والاجـواد
ويبكيـك ود(ن) بالضمايـر دفيـنـي
ياحصان حرب اللي اليا قـال ماحـاد
ياشاعر المعنـى بقـاف(ن) سمينـي
تشهد لـك العتبـان ومطيـر شهٌـاد
وتشهـد جهينـه مقـدم العارفيـنـي
وتشهد سليم بحلة الربـع مـن غـاد
وهذيـل تشهـد والعـرب شاهدينـي
عليك عيني تـذرف دموعهـا ابـداد
ولاالـوم عينـي يابليـس اللعيـنـي
المـوت حـق وكلنـا بندخـل الحـاد
والمسعـد اللـي حازدنيـا وديـنـي
مااحد(ن)اليا جت حزته لحظة(ن)نـاد
لاشـك يذكـر غـفْـلْ والافطيـنـي
وانا بطاري قاف والقـاف لـه جـاد
صياف ابـن عـواد طلـق اليمينـي
الملعبه من عقب ابـو مفلـح انكـاد
قامـت تخاطفهـا سبـاع القطيـنـي
من صغرسنه مامشـى درب الانقـاد
ولمقـارع الشعـار مالـه عويـنـي
صيـاف يارمز(ن)للاشعـار واستـاد
ياللـي لفقـدك قـام ينـدى جبينـي
حملت راية حـرب ياعـرْب الاجـداد
وابليـت زيـن ولاتلفْظٌـت شيـنـي
لك ماقف(ن) مابين مصـدر وميـراد
ومثبْـتـه راع الـكـلام الرزيـنـي
يافخْرَنـا وسـط المحافـل والاعيـاد
يادرعنا اللـي قاسـي (ن) مايلينـي
تاريـخ حافـل بالمعالـي والامجـاد
مـن مثـل ابـن عـواد ياسامعينـي
لاعاد يوم(ن) غـاب صيـاف لاعـاد
عقبه محاجر ناضـري شـوك تينـي
مابـه مـنـام ولاتهنـيـت بـرقـاد
والعيـن تدمـع والشقـا زاد فينـي
وانـا ادري ان بكـاي فرقـاه مافـاد
لاشك مابـه حيلـة(ن) فـي يدينـي
مالـي جـدا كـود البكـا والتنـهْـاد
يسراي تصفق مـن فراقـه يمينـي
الله يبيحـك عـد ماينطـق الـضـاد
اليعربي .. بلسان فصحـه .. يبينـي
عسى ان لك في جنـة الخلـد ميعـا
دوبك نجتمع مـع سايـر المسلمينـي
وعسى بقبرك بـارق النـور ينقـاد
عسـاه جنـه وردهـا لـه يزيـنـي
مرحوم ياتاج (ن) على الراس واضماد
مرحـوم ياذخر(ن)لنـا كـل حيـنـي
عسى البقا في حرب شعْـار وافـراد
وعسى آخـر الاحـزان يامْحزْنينـي