بدية باسم اللي جزال وهايبه

[المخلص]

بسم الله الرحمن الرحيم

مما راق لي للشاعر الكبير ابن صقيه التميمي من (ديوان التميمي) وأرجو أن تنال إعجابكم:

بديت باسم اللي جزال وهايبه
مفرج الضيقات لى ناب نايبه

سامع دبيب النمل في حندس الدجى
غافر ذنوب اللي من الذنب تايبه

يا فارج الضيقات فرج لضيقتي
ارجيك وإلا الخلق ماهيب ثايبه

ما غير أفكر بالليالي وبيضها
وقتي محيرني بكثرة عجايبه

لو زان في حالات ما ينوثق به
وقت دبوره موجفات ركايفه

لى صبحك بالخير مساك ضده
سريعات ميلاته كبار مصايبه

لو انت عنه بعيد في قلعة المدى
أبا النشب لازم تنوشك نشايبه

لى عاهدك بواق ما يوفي العهد
في كل حين مشغل لك حرايبه

لوالناس تفكر في تصاريف وقتها
ماشفتها بدروب الاطماع دايبه

ياويلنا من ساعه النشر والحشر
بيوم به الشبان يانيم شايبه

رعى الله جيل زال بيض صحايفه
ولا رعى جيل مماشيه خايبه

إلا أن قال:

عيني تهل الدمع من حجر موقها
تقول هملول نزل من سحايبه

ترا بخيت الحظ من صان عرضه
عن كل منقود يبين معايبه

واقفى من الدنيا خفيف الغلايق
وصارت مشرفة الجمايل كسايبه

وعط الرجال بسمح نفس حقوقها
لاخير في اللي دوم عوج طلايبه

لابد كل عن حصيله يحاسب
في ساعة ينسى القريب قرايبه

تمت وصلو عد حي وطا الوطا
وما غردت فوق الجرايد ربايبه

محبكم/
المخلص