الزلامي كيف رمح الهوى صابه

[برق العارض]

بسم الله الرحمن الرحيم

هذه قصيده للشاعر الكبير : رشيد الزلامي
اتمنىّ ان تنال اعجابكم

الزلامي كيف رمح الهـوى صابه
والهوى ماصابنا من على أولنّا

ياهل البيت الخضر سكـروا بابه
سكـروا بيبانكـم ياعـرب عنّا

وامسكوا ورع الهوى اللي بلشنابه
كل ماجينا مـن الزّام قابلنّا

هز رمش العين ولاّ ضحك نابه
ضحكته منها النجـوم يتهاونّا

امسكوه أبـّ بيتكم قبل نبلابه
وان طلع لا تامنون العتب منّا

لايكلّمني ولايطلع الـجابـه
لو صباح الخير كنّه يلعنّا

مايخاف الله ولايرحم اصحابه
جاهل بعيونه السود يفتنّا

أتمنّى حرب مدفع ودبّابه
والعيون السود عني يصدنّا

بس يا اهل الطفل متنا من اسبابه
مايرد الموت لا انتم ولاحنّا

ورعكم يلعب ودنياه لعّابه
مادرى انّّا قد لعبنا وهونّا

مالقينا في طريق الهوى ثابه
زتّّنا في بحر الأهوال واهملنّا

الهوى عِلّه ولاتوجد أطبابه
دايماً راعيه مفتون ومعنّا

ودّنا بيت الهوى نقطع أطنابه
ونطلب الوالي عسى العفو يشملنّا

وسلامتكم