يا عيد ... ؟

[صبح المطر]

السلام عليكم

وطابت أوقاتكم بالخير والمحبة

أبيات للتواصل معكم وأتمنى أن تحضى بكرم مروركم الكريم

تحيتي

/
يا عيد وين العيد في جرد الأيام
ليه الفرح كفكف هبايب نسيمه

تعتادنا يا عيد عام ٍ بأثر عام
ونرجع لذكراً بالحنايا مقيمه

يشدنا طاريك من بين الأوهام
يوم المشاعر والنوايا سليمه

يوم البراءة والعتب سن مرسام
والهجر ما تبني له الناس خيمه

يوم القلوب صحاح بإحساس وإلهام
والطيب عطره بالحياة الوسيمه

تبغى الصراحة نفتقد ذيك الأحلام
يوم الزهر لا حن ترويه ديمه

لوحة زمن شاقت تعابير رسام
واستعرض الخافق زوايا صميمه

والطير لو لا غربته كان ما حام
ريشه يحده للغصون القديمه