شـــبة النار والدلال منحـــرات + وبرق(ن)تلاعج وليله مطــــيره

[فتى هاشم]

السلام عليكم ورحمة الله وبركاته ..
هذه أبيات أعجبتني كثيراً وللأمانه نقلتها من منتدى بلسان شاعر لم يظهر ع الساحه بعد
وإليكم هذه القصيده وأتمنى أن تنال إعجابكم ..

[frame="7 70"]
أبأخذ بهالدنيا سجه وســــــــــــجات + مدام عمري للفناء ذا مصــــــــــــــيره
بأخذبها جــــــــوله وجـوله وجولات + بقطع طعوس وسهول وجبال(ن)وعيره
بمشــــــــي ولا همني طول المسافات + بحل وأرحـــــــــــــــل من ديره لديره
بمتع النفــــــــس بالصيد والرحــلات + مســــــــــيار فالبر يسوى مغانم كثيره
شــــــــبة النار والدلال منحـــــــرات + وبرق(ن)تلاعج وليله مطـــــــــــــيره
ومجلس(ن)عند الذود عشاير وخلفات + في وســــــط روض(ن)تمايل نواويره
اخير من مجلــــس(ن)مع هل النمات + ناس(ن)غير هرج القفاء مالهم ســيره
واخير من جمع الذهـــــب والريالات + ومســـــــــافر(ن)لديار غاده وسميره
واخير منهن ذكر رب الســــــــموات + ربي آله الكــــــــــــــــون مالنا غيره
دنيا مالنا فيها كود الذكــــــــــــريات + نفرح بهــــــــا أيام(ن)وأيام(ن)مريره
ببعد وأبا أقفي وأبا أكثر من الطاعات + قدام للمـــــــــــــــوت يقدم لي وزيره
يوم لا ينفع لا ندم ولا حســــــــــرات + قبل يجيني القضــــــــــــــاء بمقاديره
وأبا أطلب من الي يسمع هذي الابيات + يدعي لي بالرحــــــمه وكثر الله خيره
...................
[/frame]