قصيدة الجني( خشرع) و حبه للفتاه الجنيه مخفاعه

[هواوي الغيم]

حالف اني ما اتركك يا بنت يا{مخفاعه}
دام {خشرع} تطلع النيران من نيبانه
يوم ابوك {شغيد} قال محجّره لــ{مصاعه}
و لد اخوه اللي عيونه من تحت حجانه
منقلب شكله و كفه لاصق بذراعه
شبهة ٍ ممسوخ مثل انسان و لد انسانه
لو {مصاعه} شاف وجه صار عنده راعه
و احمد اللي زين اوصافي و لا اجهل شانه
لو { مصاعه} جابه الساحر غلط و اطاعه
و ارسله يدخل مع انسانه و مع حيوانه
و اما انا راع الكرم و الطيب و الشجاعه
و اكرم الضيفان و {مصَيعه} نسي ضيفانه
اذبح النمله لضيفي و ارشي البياعه
لين اجيب النمله المطنوخه السمنانه
و القعوس اللي تبيع السوس للجماعه
اشتري منها جراده و الجراده زانه
و الضفادع نشتريها ساعة المجاعه
كبسة الضفدع مع الطماطم الخربانه
يا { مخيفيعه} ، زواجك من {مصاعه} ضاعه
ضاعةٍ من ضاعةٍ من ضاعةٍ عدمانه
انا احبك يا حياتي و انشدي {نخطاعه}
و لد {حرشد} من قبيلة {طخشر} البطرانه
لابة يوم الحرايب تشرب الرضاعه
( شربة الفنجال) بس بدمها مليانه
و ان جهلتي حبنا ، و دموعي الميّاعه
و كان دمعي من جموده كنه الصوانه
يوم { شرغد} شافني هرب و شال شراعه
و قال يا "منسون" عقلك بان لي ضياعه
يا بذور العقل، يا زرعه بدون زراعه
تزرعينه ثوم مع فلفل و باذنجانه