المتابعة اليومية لأخبار الطقس والتوقعات من ( 1 - 7 / 12 / 2015 م )

[سالم عبدالرحمن]

وعلى فكره اخوي ابو فهد تذكرت حاله مرة علينا في بداية التسعينات الهجريه حيث كان علينا ضباب كثيف ورذاذ على حائل كمدينه وكانت الرؤيه متدنيه جبال اجاء لانشاهدها من الضباب وكانت قرية عقده داخل جبال اجاء اي تبعد احدود 4 كم عن حائل واقسم بالله العظيم اني عايشتها لحظه بلحظه شي لايمكن ان يصدق حيث تفاجئت حائل بالسيول تجتاح مدينة حائل من فوق الارصفه واذكر انه فيه ثمار الرمان وغصون الاشجار وبعض من الخشب والنخل ولما توقف السيل بعدها بيوم ذهبنا لعقده وجدنا وادي عقده ماشي على كبره واهالي عقده صعدوا للجبال وتركوا مزارعهم ومنازلهم وباتو في اعالي الجبال ليله كامله والشي اللي لفت انتباهي في مخرج الريع حيث ينفرش الوادي ويتوسع وجدنا جذوع النخل ومواطير الماء وهذي لايمكن ان انساها
وكل هذا لم نسمع رعد ولم نشاهد برق على الرغم من ان اهالي عقده ذكرو انه كان فيه رعد وبرق