محــاولات شعــريـــه ومواهب صـــاعــده ..

[أبو سيرين]

أيا قــلــبي على حـــــزنك تصبّر
مــصــير الصـبر ياتي بانفراجه

على هــجـــر الخـوي اللي تكبّر
بعـد ما كنت له يوم(ن) سراجه

أنــا دايــــم عــيــوني لــــه تعبّر
بــحـبّــي لــه وصـدقي وابتهاجه

يــعــانــدني ويــزعــجــني يبربر
وانـــا مــقــــدر أرد إلا بـزجاجه

عــن احـــوالي لـجـيـرانــه يخبّر
وانــا حــايــر شـسـوي بنعواجه

يـفـطّــرني عـسـل دايــم مع البُر
ولــو أزعـل يـهــددني بـهـجـاجه

يـروح أهـلـه ويـرجع لي مهزبر
ويــرغــمــني على رز ودجـاجه

ومــشــــواري إذا رحـتــه يشبّر
يـحـاسـبني ويظهـر لي انزعاجه

أحــبّــه واعــشــقــه لـكـن تجبّر
ومــــن حـبّـي يــزوّد فـي هياجه

ألا يـــا هـــاجــــري اسـمع تدبّر
ترى هاليوم وضعك في سماجه

غـيـابـي لـــو حـصـل حـبّـك تقبّر
بـدوّر لي حبيب(ن) لــو خواجه

أبهدي له عـطــر غــالي وعنبر
وشهر الحب أسـافـر به سفاجه

وإذا خـلّص أسـافـر به إلى البَر
وقــــرّب لـــــــه إذا زوّد غناجه

حبيب(ن) مـا يـشــاكي لــو تغبّر
ولــو ســاكـن بـبـيـتي بـرتجاجه

وحــبّـه بـالـحـشــا يـكـبـر ويكبر
ويــربـطـني بـــحـبّـه في سياجه

يـبــربــر : كثرة الكلام في ما لا فائدة منه .
زجــاجـه : أي أشرب ببسي أو أي مشروب !!
هجـاجـه : أي هروبه أو انفصاله عني .
مـهــزبر : الهزبر هو الأسد ... مهزبر أي مستأسد .
هـيـاجـه : أي شقاوته .
سـماجـه : أي عديم الفائدة أو لا يصلح .
تــقــبـــر : أي انساه ويصبح من الماضي .
خــواجـه : فتاة من العجم .
برتجاجه : تفسير هذه الكلمة في القصيدة ما قبل الأخيرة .
سـفـاجـه : مدينة سياحية ساحلية على البحر الأحمر في مصر .
غــناجـه : دلعه ، يقال البنت الغنوج أي المدلعه .

مع تمنياتي بأن تنال استحسانكم وشكراً .،،،