.......... تعبت ............ تعبت ......... تعبت ..........

[بقآيآ .. حرف]

يا ليل يا منفى التعب ما عـدت للدنيـا أتـوق
ما عادت الخطوه أمل / ما عادت أحلامي طريق

قمت آتسوّل حيرتي كل ما بـدا فكـري يـروق
طيّرت طيري وإن طرد فريسته / صدري يضيق

تعبت أصحّي هالضمير بداخلي وأصيح : فـوق
تعبت أشحـذ مـعْ مباديّـه نبـي (لله ريـق)

تعبت أعدّ الأقنعـه فـوجيـه مافيهـا فـروق
متشابهه حتى وهـي تسقـط يميّزهـا بريـق

تعبت وآنا أزرع صدِق بأفـواه للكذبـه تـذوق
تعبت أبيعك يالحزن وألقـاك تشرينـي رفيـق

تعبت أعدّل للخُطا فـي مشيتـي كـل الطـروق
تعبت أكذّب ع الزمن وآقول أنا عندي صديـق

تعبت أصبّر كاهلي في شيلـت حمـولٍ تفـوق
صبرآدميٍ ما جزع / يقول (أطيق) وما يطيـق

تعبت أفكّر وأفتكر وأستوحـي بفكـري بـروق
وأتخيّل رعود الأمل تضرب وأحسّ إنـي أفيـق

تعبت أكذّب واقعي بإنـي مـن الهـم إمخلـوق
لين إكتشفت إن العنا للـي مثـل حالـي يليـق

يا ليل معْ كل التعـــــب ماني لهالدنيا أتوق
شفني رضيت بهالتعب يثْقل على كاهل غريق


رآآآآقت لــــــــــي