°» ●• قسوتك وانتصارك •● «°

[تناهيد]

ياحبيبي رضيت بقسوتك وانتصارك
خذعيوني وطن واحكم رموشي قبيله

احتضن لهفتي يوم احضنتني ديارك
لك خفيفه مشت نفس ٍ لغيرك ثقيله

انقش اسمي على دربك وانا امشي مسارك
واكتب العاشق الصادق فؤاده دليله

كيف اعيش العذاب برغبتك واختيارك
كيف بانساك وعيوني خيالك تشيله

فـانتظارك قتلت احلى زمن في انتظارك
جعلك اكرم من ايام السنين البخيله

قل للايام تضحك والليالي تبارك
التعب راح لا تبكي عيونك رحيله

اعتذاري عن اللي راح قبل اعتذارك
اترك اللي مضى دام الليالي طويله

يا رفيق التعب يسعد مساك ونهارك
خذ عيوني وطن واحكم رموشي قبيله


للمبدع :نايف صقر