جمــال نجد وفتنة حايليه

[عايد]

مات ( الجمر ) و ( قلوب ) الأحباب حيّة ,,,
و ( الموت ) لا ماتت ( قلوب ) الحبايب ,,,
…..
يا ( شيشتي ) لو فيك ذنب و خطية ,,,
معاك أحس إني عن ( الناس ) غايب ,,,
…..
العام كانوا لي من ( الأصحاب ) مية ,,,
وقت الرخى لكن جفوا بـ ( النوايب ) ,,,
…..
لا هنت يا ( قلبٍ ) شكى من خويّه ,,,
كم ( راس ) من طعنات الأصحاب ( شايب ) ,,,
…..
مرات أقول إن ( الخبل ) يا هنيّه ,,,
و لقيتهم يشكون ( ظلم ) القرايب ,,,
…..
و مرات أقول ( النذل ) لا رحم حيّه ,,,
و أثر ( النذل ) في بعض الأوقات ( صايب ) ,,,
…..
يا ( نفس ) شيليها على ( السامرية ) ,,,
شيلة ( طرب ) ما عاد فيها ( طلايب ) ,,,
…..
وش لي بتنبيه ( القلوب ) العميّة ,,,
و حنا في هـ ( الدنيا ) دروب و ركايب ,,,
…..
أبتغزل في هذيك ( البنيّة ) ,,,
( بنتٍ ) تفل ( القلب ) فل الذوايب ,,,
…..
كم بعثرتني و جمعتني ( هنيّه ) ,,,
بنفس ( المكان ) اللي جمعنا ( غرايب ) ,,,
…..
يا ( ضعفها ) معهم و عندي ( قويّة ) ,,,
منها غدا ثلثين ( قلبي ) خرايب ,,,
…..
مرباعها بين ( العيون ) الشقيّة ,,,
و مقيضها بين ( الجروح ) العطايب ,,,
…..
ما أقول يذبح ( زينها ) بس هيّه ,,,
تلفت لها ( قلبٍ ) عن الحب ( تايب ) ,,,
…..
و لا أقول ( مغرورة ) و لا هي خليّة ,,,
فيها ( دلع ) ( طفلٍ ) تبنّاه ( شايب ) ,,,
…..
جمال ( نجد ) و فتنةٍ ( حايليّة ) ,,,
وش جمّع ( الثنتين ) فيها ( عجايب ) ,,,
…..
إليا أقبلت بين ( حسناتٍ ) و سيّة ,,,
يا كثر ( ذنبي ) بين طيب و غصايب ,,,
…..
و إليا أدبرت فيّ ( دمعتينٍ ) نديّة ,,,
( قلبٍ ) معاها و ( قلب ) فـ الصدر ذايب ,,,
…..
شب ( الجمر ) ما دام ( الأشواق ) حيّة ,,,
و طف ( العتب ) و العمر ( ضحك ) و نصايب ,,,




مما رااق لي
المصدر/بوح الليل