ياذيب انا بنشدك وش خانت الذيب ...اهداء لكم

[ابو سلطان العتيبي]

السلام عليكم ورحمة الله وبركاته

اهدي هذه القصيدة والشيلة الى جميع منسوبي شبكة البراري

ياذيب انا بنشدك وش خانت الذيب لاصار مايعذر رفيقه اذا زل

هذه الشيلة:
https://up.albrari.com/do.php?id=269806

وهذه القصيدة كتابه:
ياذيب انا بنشدك وش خانت الذيب . .
. . لاصار ما يعذر رفيقه اذا زل
ياذيب مابي منك غير التراحيب . .
. . يوم اللزوم وياك ياذيب تبخل
أجيك وافي وأترفع عن العيب . .
. . والا طريق العيب للخايب أسهل
ترى الحكي بالناس هذا عذاريب . .
. . واعرف ترى الانسان ماهو بيكمل
لكن ترى ياذيب كثر العذاريب . .
. . تجعلك واحد من هالناس مهمل
الناس ماتدري عن اللي ورى الغيب . .
. . لكن تراها ترتجي شي أجمل
أقولها من شان تبقى على الطيب . .
. . ماقلتها من شان تقفي وتزعل
ان كان مالي عند قلبك مواجيب . .
. . اياك ياغالي عن الحال تسأل
لاتحسب اني جيتلك بالمطاليب . .
. . خليك حليم الحال حيل وتحمل
ياذيب انا بنشدك وشخانت الذيب . .
. . لاصارما يعذر رفيقه اذا زل

مما راق لي

مع تحيات اخوكم
ابو سلطان

-