حكم القدر

[برق العارض]

كانك على قولتك بالقلب شاريني
نفسٍ تحبك لزوم تدوّر رضـاهــا

والحب بلوى ترى ماهوب في يديني
حكم القدر تفرض الدنيا خـفـايـاهـا

الصد ياغايتي والبعد كــــاويــنــي
جروحك اللي سطتبي عندك دواهـــا

من سبتك طاري الفراقا يعنّيني
هموم دنيا العنا جتني من اقصـاهـا

لايبعد الدرب مابينك ومابيني
كنّك مثل من يبيها صدق واخطــاهـــا

حكّم ضميرك لعلّك توفي الدَيني
عشت المحبه نهايتها ومبـــداهـــــا

ياقرّة العين هم الصبر طاويني
وش حالتي دام عيني شوفك مناهـا

ماخلق مثلك عن همومي يسليني
دنياي لرضاك تكتبها وتــــقــــراهـــــا

ملكتني بالغلا ملك السلاطيني
والنفس درب الوفاء عندي مزاياهــــا

أخلصت لك يابعد من شافته عيني
يامالك الروح تامرها وتنـهــاهـــــا

بين المحبين ترجح بك موزايني
نذر انّك احلى جميع الناس واغلاهـا

لاسلهمن النواعس بينك وبيني
سرحت في غبّةٍ مدري وش اتلاهــا

سبحان من صوّرك بد المزاينـي
انت الوحيد الذي نفسي تــــمـــناهـا

ياغايت القلب تكفى لاتخليني
ماقد خبرت المحبه تقصر خـطـاهــا

تبي الصراحه بدونك تاهت سنيني
ابي السلامه وانا مانيب ويــــاهـــــا

والحب حكم القدر ماهوب في يديني
ونفسٍ تحبك لزوم تدور رضـــــاهــــا


قصيده راقت لي , اهداء خاص