ياعناد زانت شبـت النـار ياعنـاد

[محمد آلحربي]

ياعناد زانت شبـت النـار ياعنـاد
عجل علينـا بالحطـب ياعضيـدي
واشعم لنا وقده وزدهـا اليـا زاد
برد(ن) يقص العضم لوهو حديـدي
واقلط علـى وارد مثاميـن بغـداد
ماباعها بالسوق هنـدي وزيـدي
ماهي دلال السيف لا يابن الاجـواد
ولاهي ترامس قوم( بابا)( وسيدي)
وعطني وسمعني قصيد بن عـواد
والا من العمـلاق والا الوسيـدي
الشعر له في ساحـة الشعـر رواد
وعلى مناهجهم سريـت بقصيـدي
قلته وانا ياهـل التماثيـل قصـاد
واليا نضمت ازن معانـي جديـدي
ازن واسوق القاف والقـاف ينقـاد
قود الجمل لاقـاد وقـت المديـدي
وانشد وانا عن حامض العلم نشاد
واسمع من اهل المعرفه واستفيدي
ياعناد كثر الهرج والقـرق مافـاد
مافـاد مـن قالـه ولاهومفيـدي
لو قال انا كحيلان ولا ابـن شـداد
ولوقال انا البيطار رايـي سديـدي
للشعر شاعـر ثـم راوي ونقـاد
ولولا الثلاثه طاوي (ن) منه قيدي
والوضع اشوفه صاير اطلاب وجهاد
ويالله تجملنـي وترفـع رصيـدي
طالبك يامن يمـك العبـد لا عـاد
تدمـح وتقبـل تايبيـن العبيـدي

الشاعر :فواز العمري

إهداَاًاًاًاًاًء خاًاًاًاًاًاًص

ل :عناًد