((( إعذريني يامقابيل السنين )))

[الذعذاع]

بسم الله الرحمن الرحيم

السلام عليكم ورحمة الله وبركاته




من جديدي
ابيات أرجو ان تسمو لذائقتكم العذبه أحبتي
تحيااااتي للجميع






اعذريني يامقابيل السنين
بأستريح من العذاب بلا دوى

الصحيب اللي غطيته بالحنين
إنكشف أمره وليّه ماهوى

يحسب ان الحب لعب بلا يقين
يتركه لامنّه بماه ارتوى

ما درى انه أعدم بفعله سجين
وثّق حباله ولضلوعه طوى

بس يكفي ياهماليل الحزين
ويش ينفع لو تهاملتي سوى

لو يسيل القاف والمعنى يبين
لو على المرقاب منطوقي عوى

مالي الا واحدٍ ليّه يعين
عالم باللي له الخافق نوى

غافر ذنوب العباد التايبين
هادي اللي عن تعاليمه غوى

ياصحيبي يازعيم العابثين
لاتعذّر منّك الخاطر خوى

ذاك أول ياحبيبي ياثمين
يوم حلمي يم أحاسيسك أوى

لاتعذّر بس يكفيني أنين
الحشا نار لجت به وانشوى

السلام ختام يالجرح الدفين
بأستريح من العذاب بلا دوى

وسلامتكم
الذعذاع