مذكرات قصمنجي - 2 -

قصيمي · 2007-01-25, 11:31 AM

يالله ياشباب تفضلو الجزء الثاني من المذكرات و شجعون بالردود وابشرو بالاجزاء

-----------------------
سالخيييييييير الله يحييكم <<-- يعنني شغال مع طويلين العمر

من مبطي ماكتبت لكم سوالفي وقصصي(( حلوه قصصي )) واحب ان اشكر الاخوان لاتاحة هذه الفرصه للهذره معكم والبربره كما احب ان اشكر القناه السعوديه الاولى على ماتقوم به من جهد ملحوظ في خدمة الفرد والمجتمع واود ان اعلن عن فقدان لوحة سيارتي رقم أأأ 111 <<==== ورى ماتضف وجهك

اخلص هات الزبده

قصتي مريره ماادري من وين ابدا معكم

ولدت في انا يامحاسيكم في ليلة قمراء صافيه في عام 1958 في وسط ظروف غامضه <=== لاتفهمون غلط قصدي مايعرفون باي ساعه انولدت : وعشت في كنف عائلتي المتواضعه عيشه هنيه وكل يوم ناكل فول وطعميه

عندما دخلت الى المدرسه كنت نشيط جداً كانوا يسمون المصري الدااااااافور كانوا الطلاب يطلبون ودي وكل يوم يشترون لي فطور من المقصف على حسابهم كل يوم زعتر بالشطه وعصير طماط (( ياقدمه )) عشان اغششهم بالاختبارات وينجحون على حسابي انا يالضعيف

مرت الايام ومرت السنوووووووون ومرت الساعات ومرت الدقايق <<====== اخلص علينا يااااااخي
وتخرجت من الجامعه بتقدير ممتاز مع مرتبة الشرف وكان تخصصي تسوووووووويق المهم انبسطت وسويت بارتي وعزمت كل اخوياي السرابيت على ذبيحه بخط المطار وحطينا شموع على ظهر الحاشي

اليوم الثاني قررت اني الف على الشركات واقدم على الوظايف
ولكـــــــــــــــــــــــــن ...!!!!!
انصدمت بالواقع المرير كلهم رفضوا يقبلوني والسبب هو :

وجهي المخيس المعفن :( كل الشركات اللي قدمت عليها يقولون لي صحيح ان شهادتك قويه شهادة تسويق لكن وجهك يبي له من يسوق له واللي يقول لي اوكي بنوظفك بس داوم وانت طاق اللثمه واللي يقرا المعوذات اول مايشوفني فتحطمت وطلعت من اخر شركه قدمت عليها وانا مغطي وجهي بكفوفي وقاعد ابكي واركض ابكي واركض
الين وقفت في صحراء قاحله مافيها الا انا

جلست بعدما انهكني الركض وجاب فيني العيد وفجأه ومن دون ماادري ظهر لي مخلوق غريب بس للاسف هو ازين مني انا قلت اول ماشفته يمـــــــه وشو ذا قال لي المفروض انا اللي اقول يمه مهوب انت يالدبشه مع وجهك هذا تقول سلقتن متوحمه على تميس قلت له من انت وماذا تريد <<==== ياروحي يالفصحى

قال لي انا الشيطان ياعمي ماعرفتني ياثور ؟ قلت لا بس كنت مشبه عليك

قرب مني وقام يوسوس لي يقول لي انا لازم تسوي عملية تجميل للمأساه اللي شايلها بين كتوفك قلت له مااقدر وش يقولون عني الناس

قال لي الناس ماهربوا من وجهك المروح يامروح

قلت له ايه

قال لي خلاص سوها والتكاليف علي يعني نانسي بنت الشايب عجرم احسن منك ؟

قلت له تخسي وانا ولد منيره

المهم انا ضفيت روحي ورحت عند دكتور اول مادخلت المستشفى دخلت بالغلط قسم الحوامل وشافتني وحده توها مبشرينها انها حامل ومن الخرعه اول ماشفتني سقطت الجنين قمت وهجيت ودخلت بالغلط على قسم العنايه المركزه وشافني واحد من المنومين رفع اصبعه للسما وشهق ومات ..

حطيت رجلي .............. و اخيرا دخلت عند الدكتور بعد وفيات عديده وحالات مستعصيه وامراض نفسيه

اول ماشافني الدكتور أنهبل وقام يتمتم بكلام بينه وبين نفسه المهم بعدما تجاوز الصدمه

قال لي ياولدي انت مصمم تسوي عملية تجميل

قلت له ايه مصمم ابغى افتك من وجهي ياخخخخخخخخخي

قال لي خلاص مع اني ماانصحك

قلت له ماعليك توكل على الله بس

المهم سويت العمليه وجا وقت فك الشاش من وجهي

يوم فكيت الشاش قمت المس واحسس على وجهي وحسيت انه املس يزحلق قمت عند المرايه ابي اشوف وامتع ناظري بوجهي الجديد ولكن دوت صرخه مجلجله بالمكان <<--- ياروحي يالفصحى

انا ماتحملت الصدمه ومحطت على خشتي مغشين علي وماوعيت الا كفوف تلطم وجهي

وامي تقول :: قم يالشين يالله طس للدوام

طلع كل هذا حلم في حلم

واقوم واروح اشوف نفسي بالمرايه واطالع الا طلع نفس وجهي المخيس واجلس ابوس في المرايه لين صارت السعابيل تنقط منها وامي تتحمد ربها وتقول يالله لك الحمد والشكر لاوجه زي الناس ولا عقل زي الناس .

الى اللقاء