رحلتي لغدير عوجان الاربعاء 3-1-1430هـ وصور للامطار بس غير

[سحاب]

السلام عليكم ورحمة الله وبركاته

اخباركم اخوتي الكرام بدايه حبيت اوريكم بعض الصور من رحلتي لبعض مناطق الصمان الخلابه وكانت الرحله بدايه من غدير عوجان حيث كانت المنطقه خلابه والجو كان لطيف وحلو مره
وصلنا تقريباً الساعه 5 عصراً وسوينا عشانا وتقهوينا وفي الصباح الباكر انطلقنا من موقعنا الى خبراء دليل

وهذي صوره لغدير عوجان




ونطلقنا بعدها الى دليل التي تبعد عن غدير عوجان حوالي 60 كيلو واثنا الطريق صادفتنا عدة فياض جميله جداً وللاسف كانت محجوزه واثنا الطريق كان الخزام منتشر في كل مكان




والقرقاص والحميض ايضاً بس بكميات قليله عاد كان طريقنا الى دليل كان ممتع جداً

قبل لا ناصل خبراء دليل بـ 9 كيلو ونطيح بذيك الخبراء الي يحبها قلبك ولا فيها احد قررو العيال

الجلوس فيها ودقينا الخيمه واسمها خبراء كحيلية








وزي ما تشوفون السحاب وكانت التوقعات ان بيجينا مطر معنا واحد كنه الزعاقي خبير امطار ههههه عاد سعينا بالغدى وهذي صوره في النهايه قولو ما شاء الله






وبعد الغدا واخذ قيلوله

قررنا نسوي قهوه وشاي تقريباً الساعه 7 مساءً




وبعد ما تقهوينا ويجينا عج قلنا عز الله خربت الطلعه ههههههههههه الزعاقي الي معنا قال بيجي مطر بالفعل جانا مطر تقريباً الساعه 8 مساءً رش خفيف وشوي يقوى المطر ودخلنا بالخيمه ولا انقطع المطر رش خفيف ويقوى ومع ذالك قررنا نسوي قصدير تقريباً الساعه 10بالليل
قطعنا اللحم والبصل والثوم والطماط والفلفل الاحمر وبدينا نجهز القصدير






والساعه 12 ونص حطينا عشانا وبعد ما تعشينا عاد جاء وقت النوم




وكان الجو باااااااارد جداً وصحيت الصبح بدري متجمد هههههههههه قلت خلني اروح اشوف درجة الحراره بالسياره طبعاً المطر ما وقف وقلنا الله يستر علينا لا ننحشر بس الحمد لله





شفتو كم درجة الحراره ههههههههههههه جميده

[سحاب]

يتبع







بعدها قررنا الرجوع للرياض وفي الطريق قلنا ان الله ستر علينا وحفظنا الحمد وشكر لله كان الطريق كله مناقع وواجهنا صعوبه بالرجوع بس كان الجو والمناظر روعه



وكان من ضمن المواقع الي مريناها

خبراء أم جوي

خبراء ام قرين

وبعض الفياض الي ما عرفت اساميها




















وبعدها وصلنا الى خط الصمان وكان الجو حلو مره واثنا طريقنا للرياض تمطر شوي وبعدها شد المطر ولا وقف الا في نزلت الطوقي حوالي الساعه 3 ونص العصر

اتمنى ان ينال التقرير اعجابكم

ودمتو بخير

[دندشه]

الله يعطيك العافيه

مشكور وماقصرت

دندشه

[عبدالهادي المفرج التميمي]

ما شااااااااااء الله تبااارك الله
ربيع وسيل وبرد
يا زينها من رحله
هذي تسجل في الذااكره ولا تنسى
مشكووووووور على هالصوووور



سلام

[rhaal]

بالتأكيد مثل هذي المواضيع ستنال إعجابنا
والحمد لله على السلامه
رحلة موفقه إجتمع بها جميع مسببات الوناسه
المطر / البراد/ الجو المهيض / وربيع صماني

مشكوووور أخوي وتسلم عالصور والتقرير
وتقبل تحياتي

[أبوصالح الزعاقي]

ألف شكر لك أخي على الموضوع الرائع والرحلة الجميلة

[سحاب]

مشكورين على المرور والتشجيع يخلي الواحد يتشجع وينزل صور في كل رحلاته

تحياتي لكم

[مراسل/جدة]

===============

الف الف شكر أخي سحاب //

تقرير جميل لرحلتكم //

أما القصدير فهذا شي ثاني ههههههههههه //

ما تحلى أي رحله أو طلعه بدونه //

مشكور يا الغلا //

ويعطيك العافيه //

===============

[المزروع الرس 55]

مشكور والله يعطيك العافية على الصور

[هلو]

الله يعطيك العافية