(( ماذا ستكتب على جدار الزمن )) تفضل وشارك......

[عابر سبيل]

‏…
‏
‏أقـول خيره : بس مـا شفت خيره
‏يومه رحل خاويت طيفـه بداله
‏
‏مدري علامي صرت ماحب غيره
‏يمكن „ معودني „ أحبـه لـ حاله
‏

[عابر سبيل]

‏أنت اللي تسافر وأنا آعيش غربة
‏ماتدري إنّك لي وطن ليه سافرت ؟
‏
‏أخذت قلبي .. خذ كياني و طربه
‏عادي تسيّرني معك وين ما سرت

[عابر سبيل]

‏القلب مجروح لاتتعب على جرحه
‏ولاتزيد العتاب يسدني مابي
‏
‏•
‏
‏علمني الحزن أحس بقيمة الفرحة
‏وعلمني الفقد أحس بقيمة أحبابي !

[رذاذ]

‏ويعودُني شوقٌ إذا جنَّ الدُّجَى
ليزيدَني نفحُ الحنينِ تكتُّما ..
فأفرُّ من بعضي لبعضِك ربّما
أجدُ الشفاءَ بلمحِ طيفِك، ربّما !!

~

[عابر سبيل]

هلابك شاعرتنا المميزه رذاذ
يسعدني مرورك ومشاركاتك في جدار الزمن ...
الف شكر شاعرتنا،،،

[عابر سبيل]

‏يا من تحبُّ محمداً
‏أعليه تبخلُ بالصلاةْ!!؟
‏.
‏مقياسُ حبّكَ ذكرُهُ
‏حتى تفيضَ به الشفاهْ
‏.
‏يا ربّ صلِّ على الذي
‏ردَّ الحياةَ إلى الحياةْ

[عابر سبيل]

‏لا ضاقـت الدنيا قل : الحمدللـه
‏حتى ولو إنـك مـن الوقـت ، هايـم
‏ٰ
‏ما خاب منهـو يحسن الظن باللـه
‏وما ضاق صدرن يذكر اللـه دايـم

[رذاذ]

‏ليتَ الذي بعُهودِ الوصلِ عاهدَني
يقولُ لي ما الذي بالهجرِ أَغراهُ!
.
وليتَ مَن زارني كالطَّيف عاوَدني
حتى يَرى كيف قلبي صانَ ذَكراهُ

[عابر سبيل]

إني لأفرح بالصديق إذا سأل
ويسر قلبي إن تواصل أو وصل

وأظل أذكر رائعات حروفه
مهما تباعدنا وطال بنا الأجل

هذي أحاديث المودة بيننا
ويخونني التعبير في باقي الجُمل

فإذا ابتعدت فسامحوني اخوتي
إني معرض للمشاغل والزلل

فلتذكروني بالدعاء فحبكم
أودعته بين الحنايا والمقل

[عابر سبيل]

هاك ذكراك من ذكراك ويش أستفيـد
كافـي أن المشاعـر هايمـه كلـهـا

ودي انساك والنسيـان ماهـو اكيـد
كيف ابنسى عيون(ن) رمشهـا ظلهـا

من هذاك اليوم وانت اللي بعيني وحيـد
ماخبرت العيـون تمـل مـن خلهـا

مير نفسي عزيزه وانت رايـك عنيـد
والنفـوس العزيـزه ماتبـي ذلـهـا

ليه تعطيني الدافـع واقـول القصيـد
ليه صفحـه غرامـي ترجـع تفلهـا

ليه ترجع على الماضي تزيـد وتعيـد
وانت من عـام الاول عاجـز تحلهـا

مابرى الجرح الاول كيف يبرى الجديد
شوف حالي نزيـف جروحهـا سلهـا

كل ماشفت لك ذكرى وربـي شهيـد
كـن نـزاع روحـي بالحفـا تلهـا

اندفعـت لغرامـك يالغـزال الفريـد
والغـلا لـه دروب خاطـري دلهـا

فرحتـي بالقـا رغـم انهـا ماتفيـد
فرحـه القـاع لامـن المطـر بلهـا

وش بقى يالسراب اللي قريب(ن) بعيد
المحبـه وراحـت وانتهـى حلـهـا

لو كـل بكيفـه ياخـذ اللـي يريـد
كان ماشفت ناس تمـوت فـي غلهـا

هاك فرقاك خذها خـل قلبـك شديـد
خلهـا ماشيـه بحمولـهـا خلـهـا

كل مـازاد تعذيبـك ذنوبـك تزيـد
الله اعلـم صلاتـك باطلـه كلـهـا