الحنونة ... أمي ثم أمي ثم أمي

[الوااا(بالله)اااثق]

مما راق لي

... الحنونه ...

أحبها وأبكي على فقدها حيل
ابكي عليها كل ماأذكر غلاها

ياوجد عيني شوفة أمي على حيل
وأضمها.. لين الضلوع ..تحماها..

ياللي لك أم تشوفها صبحاً وليل
أطلب من الله دووم تلحق جزاها
البر ماهو حكي ربع.. وفنجايل
البر إليااا رَضّيَت يسدّك دعاها

لبيه سمي وأبشري وأسبق الخيل
في حاجة أمك يوم تسمع نداها

تكفى تماكن مابقى وأحذر تميل
قبل تغيب الشمس ويجف ماها

الحق على باقي العمر جنب الويل
أحذرك ..عينك لاتسبب عماها

لاتصير في بذل العطى لأمك بخيل
أجزل لها المدآت عن من سواها

وأحذر تعق أمك بقطع المواصيل
لا أبطيت عنها كدر الشرب ماها

أجلس وعطها العلم دقه وتفصيل
سولف لها وأسمع حلاوي حكاها

معها أشرب الدله بحلو الفناجيل
والله ماينفعك شخصاً سواها

يحلى لذيذ التمرمع صافي الهيل
لامن تقدعته ...وعينك تراها

تسمع دعاها والرضى والتهاليل
ياسعد عينك يوم تكسب رضاها

كنك تشوف الوسم لاعقب السيل
لامن ضحك سن الغلا في شفاها

يبرك ..عيالك ليا جو ..رجاجيل
والبنت تلحق برها مع مناها

نصيحتي تكفون جيلاً فـ أثر جيل
الأم.. الأم.. الأم .. ربي عطاها
الله يخليي لي اميمتي ويخلي لكم أمهاتكم

مما راق لي

[بقآيآ .. حرف]

صح لسان الشاعر وصح ذوقك
أخي أبو عزوز
هي الأم وإن صح التعبير هي الجنه
مهما كتبنا وسطرنا من حروف وأبيات تبقى قليله بحقها
كل التحايا

[تابع سحاب]

رااااااائع ولك الشكر على الابداع