طهور يا بشتها ولحافها الدافي

[بقآيآ .. حرف]

سلامتك يا حبيب الشعب عبد الله
الله يمد بحياتك وأنت متعافي
والله يجيرك ويكتب لك شفى العله
وعكه بسيطه تعدي والله الشافي
كل الفحوصات تطلع خير بأذن الله
سليمه وياا بو متعب مابك اخلافي
تقوم ياللي تعقد الحبل وتحله
والله يلبسك ثوب العافيه ضافي
لا باس يا شمس دار عاشت بظله
طهور يا بشتها ولحافها الدافي
قلوبنا معك تلهج بالدعا كله
يدعو لك الشعب ربي يعلم الخافي
من كثر حبك نضنه طبع وجبله
حنا عيالك يابونا الغالي الوافي
ما فيه قلب سليم الا وتحتله
وقلوبنا مثل قلبك بيض ونضافي
اي والله انا نحبك حب كفو له
لانك حكيم العرب معدوم الاوصافي
أنت الزعيم المحنك صافي المله
خادم بيوت الله بمجهود ينشافي
صقر العروبه ما ترضى للعرب خله
مواقفك ثابته في لم الاطرافي
تستاهل من الشعور اللي على حله
قصيدة صافيه من هاجس صافي
ولي عهدك عضيدك وانت عضد له
سلمان واسمه ورسمه للعرب كافي
سيف صقيل بيمينك سعد من سله
حر شهر ماكره في راس مشرافي
الشعب من دونكم ما يعرف الذله
على حياض المنايا يهرف اهرافي
حنا جنود الوطن وعيال عبد الله
ندعي له الله عساه يعيش متعافي

الشاعر : سداح العتيبي

[تناهيد]

الله يشفيه ويعطيه الصحه والعافيه
صح لسان شاعرها وتسسلم يمينك ع حسن الأختيار
يعطيك العافيه

[عايد]

صح لسان الشاعر وصح اختيارك ابو خالد
تقبل مروري مع ودي واحترامي لشخصك الكريم

[عذب الاحساس]

انتقاء جدآ رائع سلمت يمينك
على النقل
يعطيك العافية