ياصاحبي الدنيا حكايات وعلوم..

خوي النهار · 2012-12-04, 11:01 PM

ياصاحبي الدنيا حكايات وعلوم..

قصص عجيبه تذهل اللي قراها..

الدنيا لو تضحك معك دايم الدوم..

خلك فطين ولايهمك رضاها..

كم واحد تبنى له آمال وحلوم..

يفنى وغيره يهتني في بناها..

ياما أفرحت قوم وأحزنت قوم..

وكم أعشقت عين وخانت غلاها..

ياصاحبي شفت أمس شف حالنا اليوم..

دنيا تقلب يكفي الله بلاها..

اليوم لامنه بغت عيني النوم..

تنكدت روحي وعافت كراها..

ما كل من علا بالأصوات مفهوم..

وماكل روح تلتقي في مناها..

وماكل من يشكي معذب ومحروم..

وماكل من يضحك همومه نساها..

بحرالحياة إن صرت ماتعرف العوم.

يرميك في غبه بعيده مداها..

من راح يستسلم من أحزان وهموم

يموت حي وحاجته ماقضاها..

واجه هبوب الوقت بإيمان وعزوم..

لابد ما ربك يهدي هواها..

وأصبر إذا شمسك حجب نورها غيوم..

الغيم يتفرق ويشرق سناها

راقت لي

عبدالمحسن الرحمه · 2012-12-05, 07:37 AM

ياصاحبي*الدنياحكايات*وعلوم..*قصص عجيبه تذهل اللي قراها
الدنيا لو تضحك معك دايم الدوم..خلك فطين ولايهمك رضاها..

ياسلام سلم على هذا الذوق تسلم ويسلم ذوقك

خوي النهار · 2012-12-05, 11:38 AM

اقتباس:

المشاركة الأصلية كتبت بواسطة عبدالمحسن العمر

ياصاحبي*الدنياحكايات*وعلوم..*قصص عجيبه تذهل اللي قراها
الدنيا لو تضحك معك دايم الدوم..خلك فطين ولايهمك رضاها..

ياسلام سلم على هذا الذوق تسلم ويسلم ذوقك

مــــرحــباً الـــــــــف ويســـــلم مرورك العطــــــر مشرفنا القدير