ما شفتوا ياسبور المناشي سحابه
تنثر على روس العوالي مطرها
من قبلة جويه اليا شرق طابه
من فيكم اللي ما يفوته خبرها
الوسم جانا بالشجاير شهابه
حامي لهيب القيظ سبب دهرها
من تالي ابريل المراهيش ما به
برق الركايم بالخلا ما خطرها
وين المزون اللي تراشق صبابه
حب البرد يتلا مواخر نثرها
عسى الكريم اللي قبل عام جابه
يعيدها واضعافها من بحرها
نشوف باللولاح طافح ربابه
والليل تستر بالمدايا قمرها
عسا الحيا يسقي ضمايا ترابه
ترا النعم تترا على من شكرها
منا الدعا والله عليه الاجابه
بلادنا باكوام خيره غمرها
نبداه باستغفار معها الانابه
والتوبه وعينك تقاطر عبرها
النصح والانفاق حسنن ثوابه
والاخره من صد عنها خسرها
بامر الولي يلقى المقصر حسابه
والدنيا تطوي بالمقابر بشرها
نهاية العالم يزيد اقترابه
والادمي غافل عن اقصى دورها
من يعطى باليمنى حصايل كتابه
فهو على الطاعه زهوره بذرها
واللي شماله ذاك يلقى عذابه
الشوك محصوله وروحه دمرها
يوسف الخليفة ( أبو عبد الله )
منقوووووووووووول
2011-04-14, 12:33 AM
ما شفتوا ياسبور المناشي سحابه
العرض العادي
