♡♢ هواجيس ~~ شطر ♢♡

[شطر]

ياهاجسي والعلم نور
والشعر نبراس ومناره
للقاف وقعت الحضور
ابي من الشاعر زياره
اللي له البارح ظهور
واليوم ما ادري عن دياره
معه برستيج وشعور
ويشب للعشاق ناره

شطر

[شطر]

والله اني تارك(ن) نظم القصيد
مير حدتني هجوس(ن) كايده
الطواري ياعساها ماتفيد
اقرشت بين الضلوع البايده
ولينت قلب اظنه من حديد
كل ماهود تقوم تزايده

شطر

[شطر]

يامستريح الفؤاد ودايم الراحه
ماذقت حر الفراق وقو أفاعيله
ماشفت بعض القصيد اللي على الساحه
وحروف ناس(ن) رهينه في محابيله


شطر

[شطر]

غيبه وطله من جديد
مازال للشاعر بقيه
لو التوجد مايفيد
ولا له بحل القضيه
شطر

[شطر]

لله در اللي لشعره لمعه
لاسارق(ن) حرفه ولامتسول
ينثر من ابداعه بليا طمعه
ولاهمه يقولون عنه الأول

شطر

[شطر]

شعور الحنين اللي جذبني لحبك القاف
هو اللي تخبره وانت تغني عن التعريف
لو ان المشاعر تنشرى والقلوب تشاف
ماكنت تعداني وتقرأ قصيدي .. ضيف

شطر