ياصاحبي وينك لفت ضيقة البال
أنت الوحيد اللي تعز الصداقه
ياصاحبي صكت على صدري جبال
اشيلها والصبر مرٍ مذاقه
تعال شوف الوقت وشلون ميّال
ماعاد لي في دفع الأحزان طاقه
اتعب واغنيها على كل موال
واشوف بحر الخوف يلمع زراقه
واقول بكرا يمكن تزين الأحوال
لكن هذا الحظ مكسور ساقه
أفك قلبي واشتكي لك عن الحال
والقاك أعز من الأخو والرفاقه
أنثر همومي بين جيّه وترحال
وانته تجمعني بذوق وأناقه
دايم اشوفك صادق بكل الأفعال
نعم الصديق ونعم صدق العلاقه
ياصاحبي أفديك بالروح والمال
واهديك من بستان الأعماق باقه
يقصر زمن ولا يكون الزمن طال
أنا خـويـك لـو يجوّد وثاقـــه
لصحبه اللي مالها قدر واجلال
تسقط ويسقط اسمها بالبطاقه
2012-09-11, 11:57 PM
من صاحب هذى القيصده. ودي اعرف صاحبها
العرض العادي
