ابو وجهين

[برق العارض]

السلام عليكم ورحمة الله وبركاته , قصيده من ابداعاتي تعبر عن نفسها اتمنى أن تحوز على استحسانكم :


أنا ملّيت من رفقة صديق القصد ابو وجهين
بعد ماكنت أعزّه واحسبه واحد من اخواني

لقيته في النهايه للأسف يلعب على الحبلين
طلع لي في النهايه واحدٍ من ضمن عدواني

خدعني بابتسامات المصالح والكلام الزين
ولكن بعد ما اغناه الولي قفّا وخلاني

وانا ماشفت كثر الأصدقاء وقت الرخا واللين
وإلى من ضاقت الدنيا علي أصبحت وحداني

تقلّع وابتعد لاعادك الله ياغراب البين
انا ماني على رفقة مثل شرواك شفقاني

[شيهانه]

الله الله
صح لسانك وكفيت عدوانك
لاهنت يالقرم ياطير شلوى على فيض المشاعر والاحاسيس
كلمات في صميم واقع الناس ومعاناة صاحب ذو الوجهين الله يكفينا شره
سلمت يمناك لاعدمناك يالقرم ..

[شاكر]

انين ملدوغ





تعيش وتسلم

[برق العارض]

المشاركة الأصلية كتبت بواسطة شيهانه

الله الله
صح لسانك وكفيت عدوانك
لاهنت يالقرم ياطير شلوى على فيض المشاعر والاحاسيس
كلمات في صميم واقع الناس ومعاناة صاحب ذو الوجهين الله يكفينا شره
سلمت يمناك لاعدمناك يالقرم ..

ياهلا وغلا اختي شيهانه صح الله بدنك , ولاتهونين , شكرا لمرورك الكريم .

[برق العارض]

المشاركة الأصلية كتبت بواسطة الانسيابي

انين ملدوغ





تعيش وتسلم

ياهلا وغلا بالانسيابي , الله يسلمك , شكرا لمرورك الكريم .