صبح المطر

[عبدالمحسن الرحمه]

صبح المطر بعدكم طاحت منابرنا
حتى الشقى طول غيبتكم معنينا
والحين طاح الحطب يومك منورنا
وعم والفرح يارفيع الشان كاسينا
والله نعجز نوصف لك مشاعرنا
ياللي غلاتك رست بك في مراسينا
صبح المطر ما تغيرنا و خابرنا
نحفظ حقوق الوفاء هذي مبادينا
تدري وش اللي بعد غيبتك جابرنا
اسمك بقسم الشعر دايم مهدينا
صبح المطر جازلي نظمك وساحرنا
جزل المعاني حكيم الراي راوينا
أرجوك تكفى طلبتك لا تهاجرنا
خلك على قمة ابداعك تحاكينا
أنت الأمير وانت بالقسم شاعرنا
يعني مرورك على شعري يكفينا
وقتك حداكم وحنا الوقت ساطرنا
كلن بحكم الولي يا صبح راضينا
أحدن يقدر مشاغلنا و عاذرنا
واحدن كثير الشره صعبة يراضينا
الله من شي ن بقلبي صدق قاهرنا
أركى مياسيمه على كبدي وكاوينا
بعض البشر تحكم برزة مظاهرنا
تحسب مزون الفرح بالصدر تسقينا
ماتدري عن واهج ن بالليل مسهرنا
حزين مالي سوى ربي يهدينا

[عابر سبيل]

مافيك حيله يااعبدالمحسن الله يحفظك من كل شر .. صح لسااانك يالغالي وابوزياد يستاااهل ،
تقبل محبتي وتقديري يالغالي وفالك الجنة ،،،

[عبدالمحسن الرحمه]

عابر سبيل ياهلا فيك سيدي على هذا المرور العطر
صح ابدنك
مرور شرفي أفتخر به

[رعد الشمال]

صح لسانك شاعرنا
ويستاهل صبح المطر

[عبدالمحسن الرحمه]

رعد الشمال صح ابدنك كل الشكر على ردك

[رذاذ]

المشاركة الأصلية كتبت بواسطة عبدالمحسن الرحمه

صبح المطر بعدكم طاحت منابرنا
حتى الشقى طول غيبتكم معنينا
والحين طاح الحطب يومك منورنا
وعم والفرح يارفيع الشان كاسينا
والله نعجز نوصف لك مشاعرنا
ياللي غلاتك رست بك في مراسينا
صبح المطر ما تغيرنا و خابرنا
نحفظ حقوق الوفاء هذي مبادينا
تدري وش اللي بعد غيبتك جابرنا
اسمك بقسم الشعر دايم مهدينا
صبح المطر جازلي نظمك وساحرنا
جزل المعاني حكيم الراي راوينا
أرجوك تكفى طلبتك لا تهاجرنا
خلك على قمة ابداعك تحاكينا
أنت الأمير وانت بالقسم شاعرنا
يعني مرورك على شعري يكفينا
وقتك حداكم وحنا الوقت ساطرنا
كلن بحكم الولي يا صبح راضينا
أحدن يقدر مشاغلنا و عاذرنا
واحدن كثير الشره صعبة يراضينا
الله من شي ن بقلبي صدق قاهرنا
أركى مياسيمه على كبدي وكاوينا
بعض البشر تحكم برزة مظاهرنا
تحسب مزون الفرح بالصدر تسقينا
ماتدري عن واهج ن بالليل مسهرنا
حزين مالي سوى ربي يهدينا

صح لسانك شاعرنا الكبير
عبدالمحســن
على هذه الأبيــات الجميــله
استوقفني هذا البيت الفذّ ...

تدري وش اللي بعد غيبتك جابرنا
اسمك بقسم الشعر دايم مهدّينا

صراحه ... ماأقول إلا يابخت صبح المطر
بهذي الأبيات ...


شكر وتقديري لك ياشاعرنا المتألق



رذاذ

[عبدالمحسن الرحمه]

الشاعرة المتألقة رذاذ ياهلا مليون مرور شرفي أفتخر فيه
صح الله ابدنك وشكرا على هذا الإطراء الذي لا استحقه

[راع العرض]

صح لسانك شاعرنا اللي محيي الشعر كله قصيده وافيه في واحدن يستاهل

[عبدالمحسن الرحمه]

راع العرض شاعرنا القدير ياهلا فيك صح ابدنك
كل الشكر على مرورك الطيب

[أبو سيرين]

صح لسانك يا عبد المحسن

مجاراة رائعة منك ويستحق اخوي صبح المطر

تحيتي وتقديري لشخصكم الكريم

,,,,,