أبي لامن سكتْ ألقاه .يفهم مـن نظـر عينـي

[عايد]

أبي لامن سكتْ ألقاه .يفهم مـن نظـر عينـي

ابي ابكـي من الضيقه وابعزف للهموم الحان

أبي اطلق مواويل الحـزن واطـرح دواوينـي

أبي أشكي أبي احكي ابوصف للبشـر حرمـان
أبيهم كلهـم يـدرون أبيهـم يشعـروا فينـي

أبي لا من طرى اسمي بكى من لوعتي شيبـان
أبي لامنطرى"عاشق" ذكر من كـان يغلينـي

أبيهم يذكرون أنـي بدمعـي صرت غرقـان
أبيهـم يعرفـون الهـم هوّ اللـي يخاويـنـي

أبي أصرخ وأبلغهم وأقول أن الفـرح خـوّان
يجي مرة معاي و هو بطـول العمـر ناسينـي

أبي اترك لهم قصة وأخيّرهـم علـى العنـوان
يسمّوا "حزن "يحطوا "دمع"أنا ما عـاد يعنينـي

أبي لامنوصل صوتي يحس بضيقتي إنسـان
أبي لامن نزف جرحي لقيـت اللـي يداوينـي

أبي شخص يجي يمـي و يقفـل للعنـا بيبـان
أبيه يكون لي خـلٍ علـى حزنـي يواسينـي

أبيه لمركبي مرسى وأبيـه لغربتـي أوطـان
أبي لامنذرفـت الدمـع لينـه لـي يعزّينـي

أنا ما أبيه يصبح ضلع أبيه يكون لـي ضلعـان
أبي لا من مشيت وطحت حط يديه في يدينـي

إلامن خانني التعبير أبيـه يكـون لـي لسـان
أبي لامن سكتْ ألقاه .يفهم مـن نظـر عينـي

أبي لا من تعبت وضقت لمّ الروح بالأحضـان
أبيه يكون لـي كتـاب إذا ضاعـت عناوينـي

أبي أعشق وأبي أغـرم وببنـي للهوى بنيـان
أبيه يكون مبنى ضخم ويسكـن فيـه مغلينـي

أبي واحد ويسكن بي وابطرد لأجلـه السكّـان
أبي يسكن وسط قلبـي وعمـره مـا يخلينـي

أبي أشعل شموع الحب وبأعطي من الغلا بستان
أبـي أهديـه باقـة ورد ..مسقيهـا شرايينـي


مماراااااق لي

[عابر سبيل]

الله عليك ياااعايد اختيار جميل لابيات رااائعة ....لاااهنت ياالغالي ..

[سراب]

ابيات جميلة جدا لكن والله طلباتك واجد
الله يجيب اللي على الخاطر
استمتعت بصحبة الابيات
شكرا لك

[عايد]

مراقبنا القدير اخي عابر
اشكر لك مرورك الجميل ومتابعتك الكريمه لاعدمناك
تقبل ودي واحترامي

[عايد]

مراقب المنتديات اختي الكريمه سراب
... لكِ كل الشكر والامتنان على المرور والمتابعه الكريمه لاعدمناكِ
تقبلي ودي واحترامي سيدتي واختي الكريمه