طريقه المحافظه على نكهة الطيور

فارس نجد · 2007-08-04, 06:46 PM

بسم الله الرحمن الرحيم ......... وبه نستعين
السلام عليكم ورحمة الله وبركاته .......

حبيت اشارك بهالطريقه الرائعه لشوي الطيور بدون ادوات شوي

وهي طريقه تحافظ على نكهة الطير وتجعله لين وتحتفظ على الفوائد الغذائيه بالطيور ولذيذه جدا جدا ......واقتصاديه

الطريقه

1- اشعل كميه من الفحم واتركه حتى يحمر

2-زيح الفحم على جنب واحفر تحت مشب الفحم حفره 10 سم عشره سنتمتر فقط

3-احضر صيدك من الطيور ولاتنتفه ولاتغسله ولاتشيل امعائه كله مع بعض

4-ضع الطيور على شكل صف في الحفره التي حفرتها ولاتظع بهارات ولاملح ولاشيئ

5- ادفن الطيور بالحفره

6- افرش الفحم فوق الحفره اللتي دفنتها وبها الطيور

7- ضع براد الشاي ودلة القهوه فوق النار وسو شاي سنجيل وزيد سكره اشوي واحكره

8- اذا خلص براد الشاهي ودلة القهوه شيلهم وزيح الفحم وطلع صيدك

راح تتفاجئ من المنظر راح تظن ان الصيد لم يستوي لانك سوف ترى الريش على حاله لم يتغير كانه نيئ ولكن اسحب الريش سوف ينصلخ بسهوله وسوف ترى اللحم مستوي ومحمر على كيف كيفك

9-ضع ملح حسب رغبتك

واخيرا تمتع بطيب اللحم والشوي اللي عمرك ماراح اذوق احسن منه وخصوصا مع براد الشاهي المحكور وسكره زياده ....... وبالعافيه واكل وادعيلي

*ملاحظه :- هذي الطريقه تصلح مع جميع انواع الطيور ماعدا الزراقيه

منقول