أول طبخــة في حياتك .... ؟؟

[سراب]

[align=CENTER][table1="width:80%;background-color:black;border:8px groove deeppink;"][cell="filter:;"][align=center]

أحبتي الأعضاء

كل واحد منا تعلم الطبخ اكيد مر عليه
يوم أول طبخة بحياته

حبيت من خلال الموضوع أن يشارك
الجميع بطرح اول طبخة بحياته
بالاجابة على الأسئلة التالية :

- ماهي اول طبخة في حياتك ؟
- كم كان عمرك وقتها ؟
- ماهو السبب الذي دفعك للتجربة ؟
- ماهي نتائج الطبخة ؟

أرجو التفاعل من الجميع
بانتظــــااااااركم

[/align][/cell][/table1][/align]

[أبو ريم]

وعليكم السلام

أنا أول طبخة لي كنت يومني صغير عمري تقريبا 13

كنت في المزرعه وجووووعان

ولا فيه أحد يطبخلي قلت بنفسي أصلح رز!!

المهم قطعت بص وطماط وحمستهن وكبيت من الملح ألييين ماااقلت بس

وكبيت الرز ومليت القدر كلةمااااء!!

والرز مقاسي بياله ونصف !

المهم يووم كبيت الرز في الصحن الله لايوريكم

ولاتقووول جرييش

والملح ينقرررض قرض !
كسر ضرووسي

وأنا على نياتي مابقي في الصحن ولاحبة

زغطتة كللله من الجوووووع

وبلعافيه علي خخخخ


شكرااا لكي أختي سراب

وعطينا من موقفت أنتي

[سراب]

هههههههههه
لاتحسد يابو ريم بالعافية عليك

بالنسبة لي

اول طبخة كانت يوم عمري 7 سنين كنت بصف اول
كان الجو غيم وفلة .. اتفقت مع بنات الجيران اننا نطلع البراحة
اللي وراء بيوتنا ونصلح غداء
رز بالمعجون
وتقاسمنا الاغراض كل وحدة وش تجيب من عند امها
لقينا امهاتنا مجتمعين بحوش بيتنا
وطلبنا المقاضي منهم وساعدونا وشجعونا
اكبر بنت فينا عمرها 10 سنين وكنا حوالي 5 بنات
الوكاد شبينا النار وصار تقطيع البصل علي
حمرنا البضل بالزيت وحطينا الماء والمعجون والملح
ثم كبينا الرز فوقه واروح اركض لامي اسالها عن الماء
كيف ارتفاعه عن الرز وتعلمني
وارجع داااعسة 200 واعلم البنات ونقصنا شوي من الماء
وتركناه لين استوى بس صار محترق شوي
وغرفنا لامهاتنا منه
ولما ذاقوه استانسوا وشجعونا
وكل وحدة حصلت بوسة من امها ياااسلالالالام
يعني الطبخة ناجحة
ويازين البيبسي بعدها

اياااام حلوة والله

[مهاوي]

هههههههههههههههه
مواقف جميلة جدا
شكرا سروبة عالموضوع الحلو
لي عودة ان شاء الله

[عايد]

اذكر اول طبخه في حياتي
كانت في حي الملز او حي الظباط كما يحلو للبعض بتسميته وهذه تسميته الحقيقيه
كنت في وقتها في اول متوسط وكان ورا البيت جبل بنايفه شكل مغاره
جبنا الرز والدجاجه والبصل والطماط والبهارات وطبخنا الكبسه وكانت الريحه ياسلام اثناء الطبخ
وعندما انتهت الطبخه .كانت محترقه . ارسلنا واحد مننا يجيب لنا شورما من شارع جرير
الله يعطيكم العافيه ويجزااااكم خير

[سراب]

المشاركة الأصلية كتبت بواسطة الذئب الرمادي

اذكر اول طبخه في حياتي
كانت في حي الملز او حي الظباط كما يحلو للبعض بتسميته وهذه تسميته الحقيقيه
كنت في وقتها في اول متوسط وكان ورا البيت جبل بنايفه شكل مغاره
جبنا الرز والدجاجه والبصل والطماط والبهارات وطبخنا الكبسه وكانت الريحه ياسلام اثناء الطبخ
وعندما انتهت الطبخه .كانت محترقه . ارسلنا واحد مننا يجيب لنا شورما من شارع جرير
الله يعطيكم العافيه ويجزااااكم خير

هههههههه ياشين النكبات عسى الشاورما ماهي موقة بعد .......
شكرا والدي على حضورك واضافتك

[ابواب الغيم]

في البيت اسوي اني ما اعرف ولا حاجه ومسوي اني غشيم مره
لكن في المقناص تعال خذ رجال وطبخ على كيفك في طبخه خاصه لي انا لازم تجربوها تجيب الوبر وتملحه وتقصه مع صدره لين تفرده وتشب النار وتجيب حجر كبير وتخليه على النار لين يحمر الحجر من قوة النار
تفرد الجمر وتسدح الوبر عليه وتسدح الحجر من فوق على الوبر تخليه ساعه وتشوف الشغل الطيب
وعلى فكره ينفع مع الدجاج ومع اللحم نفس الطريقه وبالعافيه على قلوبكم.

[سراب]

المشاركة الأصلية كتبت بواسطة كبكب شرق مكه

في البيت اسوي اني ما اعرف ولا حاجه ومسوي اني غشيم مره
لكن في المقناص تعال خذ رجال وطبخ على كيفك في طبخه خاصه لي انا لازم تجربوها تجيب الوبر وتملحه وتقصه مع صدره لين تفرده وتشب النار وتجيب حجر كبير وتخليه على النار لين يحمر الحجر من قوة النار
تفرد الجمر وتسدح الوبر عليه وتسدح الحجر من فوق على الوبر تخليه ساعه وتشوف الشغل الطيب
وعلى فكره ينفع مع الدجاج ومع اللحم نفس الطريقه وبالعافيه على قلوبكم.

اهاا اجل غشيم ياكبكب والا ماتبون تريحون الحريم
عاد ماقلت لنا كم عمرك يوم طبخت اول طبخة والطريقة اللي ذكرتها هي نفسها المظبي
والا ايش ؟
تشكر على المشاركة اخي

[ابو طلال الفيفي]

وعليكم السلام ورحمة الله وبركاته
اتذكر يوم كان عمري 12 كان معنا دوري كورة
في الحارة المهم ينادوني اخواني العشاء اقول ماابيه بقولي
المفاجأة رجعت البيت مالقيت الا الصحون مغسلة ..
شوي سويت نفسي اني زعلان
قلت بنام ولا احد يكلمني طبعاً نص الليل وبطني يقرصني
من الجوع وكان ايام برد ولازم شيء حاار ياربي وش
اسوي قلت بس مافي الا اسوي ادام احمر (طماطم + بصل)
طبخة سهلة المهم اتذكر امي الله يحفظها يوم تضبطها المهم سويتها لكن
المشكلة البيز اللي امسك فيه القدر انحرق هو الخسيس كان
فوق القدر رحت الغرفة مع اهتزاز القدر بالغلي طاح على عين
الفرن المهم الوالد يشم ريح حريق اشوي نتصادم عند الباب وش
هالريحة شوي يلتفت الا المطبخ يدخن وانواع الارتباك وهات ياضرب
وعزالله انه عشاني عشى على الكيف الله يحفظه ..
الله يعطيك العافيه اختي الكريمه

[سراب]

المشاركة الأصلية كتبت بواسطة ابوطلال الفيفي

وعليكم السلام ورحمة الله وبركاته
اتذكر يوم كان عمري 12 كان معنا دوري كورة
في الحارة المهم ينادوني اخواني العشاء اقول ماابيه بقولي
المفاجأة رجعت البيت مالقيت الا الصحون مغسلة ..
شوي سويت نفسي اني زعلان
قلت بنام ولا احد يكلمني طبعاً نص الليل وبطني يقرصني
من الجوع وكان ايام برد ولازم شيء حاار ياربي وش
اسوي قلت بس مافي الا اسوي ادام احمر (طماطم + بصل)
طبخة سهلة المهم اتذكر امي الله يحفظها يوم تضبطها المهم سويتها لكن
المشكلة البيز اللي امسك فيه القدر انحرق هو الخسيس كان
فوق القدر رحت الغرفة مع اهتزاز القدر بالغلي طاح على عين
الفرن المهم الوالد يشم ريح حريق اشوي نتصادم عند الباب وش
هالريحة شوي يلتفت الا المطبخ يدخن وانواع الارتباك وهات ياضرب
وعزالله انه عشاني عشى على الكيف الله يحفظه ..
الله يعطيك العافيه اختي الكريمه

هههههههههه اكيد طوووول عمرك ماراح تنساها
اسعدك الله يابوطلال تسلم على المشاركة الجميلة جدا