رأت في يوم من الأيام أن الدلة مركات على النار إلى جانب قدر الطعام فقالت على لسان الدلة
الدلة :
عقب ماهو مركبي قدم الرجالي =قمت انقّل من محل اليا محلي صرت من حسبة قدورك عزتالي =ول ياعصر الفَلَس جعلك تولي
وضحى :
اصبري في صبرنا والعمر بالي =آه واويلاه ياعصر مضىً لي ما جرى لك يادلالي قد جرالي =والليال اللي مضن لك قد جرىً لي
الدلة :
يوم انا محشومةٍ قِدمِي مزالي =ونجر هاون يدع الغادي يدلي ما حلا الفنجال بايمان العيالي =بين شيبانٍ وشبانٍ تسلي
وضحى :
ياعزيز الشان يا منشي الخيالي =ارحم اللي دمعته دلت تهلي
كيف هيضتي جروحي يا دلالي =اسمعي يادلتي والا فولي
الدلة :
ما سمعنا لك وعندي لك نكالي =باشتكيكم والمحاكم لي تحلي
كيف يام حسين ما ترضينها لي =كيف اشوف الغبن واسكت واستهلي
وضحى :
الشرايع ما تقول الا العدالي =وكل ما قالت بشرعه جايزٍ لي
وان شكيتيني هجرناكم ليالي =من ابريق بالترامس نا نزلي
الدلة :
الترامس ذوقها ما هوب حالي =واعسى كل الترامس فدوةٍ لي
إشري الرسلان لو هو كان غالي =واركي الدله وبالرسلان زلي منقول من ملتقى العواد والشاعره تكون عمتي ارجو من كل من تصفح موقعي ان يدعو لها باالشفاء العاجل باذن الله
محاورة رائعة اجادت صياغتها العمة وضحى شفاها الله وعافاها
وقد تابعت بعض أشعارها مما حفظه الابناء من آل عواد
كم تعود بنا الى الزمن البعيد جدا بقصائدها الجزلة
نتمنى ياوالدي القدير الا تحرمنا من روائع العمة وضحى
أسأل المولى العلي القدير أن يشفيها ويعافيها ويمتعها بلباس الصحة
خالص ودي وتقديري
لك ياوالدي وللعمة وكل النجوم علشانها
2012-11-04, 04:09 PM
محاوره بين العمه وضحى العواد مع الدله
العرض المتطور
