يـــــاعيونــي علميني وش بغيتي

iman matiri · 2011-11-29, 08:22 PM

ياعيوني علمينـي وش بغيتـي

يوم نومك طار ناويـتٍ نوايـا

انتي البارح ماهي عاده قزيتـي

كن بجفونـك رمـد والا كوايـا

خابرين الي تبينـه لـو كميتـي

شوفة الصمان مدهال الرعايـا

حالفٍ لتبع هواك إليـا مشيتـي

دام عشب الصلـب باقلـه بقايـا

مع ديار مطير قد رحتي وجيتي

والخباري قد وردناهـا ملايـا

لو تغيب الشمس فيها ما غديتـي

لو يجـي للخـط لفـات ولوايـا

وقد مشيتي بالفياض وقد رقيتي

قارتٍ في راسها رجـم وحجايـا

اضربي دربٍ تبينـه لا عميتـي

ومري المشلوف قدمك والخبايـا

السفـاري واقـفٍ قـدام بيتـي

من عطايا الضيغمي جزل العطايا

من عطايا الشيخ يايدي امتليتـي

بدر قبلي قد عطا نـاسٍ خفايـا

الشاعر/ فلاح العراك

ابو سلطان العتيبي · 2011-11-29, 08:33 PM

[ALIGN=CENTER][TABLE1="width:95%;"][CELL="filter:;"][ALIGN=center]
حياكِ الله اختي
ايمــــــــــان
ومشكورة على حسن الأحتيار
قصيدة رااائعة
صح لسان شاعرها
وتسلم يمينك

-
[/ALIGN][/CELL][/TABLE1][/ALIGN]