يمه عسى شرك يزول وتطيبين

[أبوعوض]

يمه عسى شرك يزول وتطيبين

يمه عسا شرك يزول وتطيبين
تقضين عمرك في صلاة وعباده .
.وليا لفيتك زاير لي تقومين
تستقبليني في حنان وسعاده

يضمني صدرك وتدمع لك العين
يطيح فوق الكف يعلن وداده.
.يمه فداك العمر وشبك تونين
يايوم عقبك عايشين بنكاده

يمه يتل الروح يوم انت تبكين
تل الطيور القنص لحظه حداده ..
يمه فداك الكون والناس تكفين
ماودي اسمع ماتحمل زياده

ردي علي يوم وشبك نسيتين
ردي علي ماعاد فيني جلاده.
.ردي علي يوم او ماعرفتين
يمه ذبحني ضمتك للوسادة

يمه بدت بالصدر ثورة براكين
تفجرت الاحزان هم ولهاده..
ومن الحزن ذبلت تمور البساتين
ورد الهدا يايوم اعلن حداده

دكتور خذ قلبي وكبدي مع العين
عطها دفا عمر العمر هي مراده.
.رمز الوفا والتضحية امي منين
القا الربع ربع الربع من جهاده

يا الله عسا يرد لها اول الدين
يفداه قلبي والجوارح قلاده.
.يالله يامنزل تبارك وياسين
باسمك نطق عيسى وهو في مهاده

تحياتي لكم

[بقآيآ .. حرف]

بارك الله فيك

أخي العزيز

سلمت الغالي على القصيدة الجزله

[برق العارض]

يا الله عسا يرد لها اول الدين
يفداه قلبي والجوارح قلاده.


صح ذوقك , مشكور