يا خبراء الجمووس المصفحه وياخبراء الكهرب ومشاكله تعالو حلو مشكلتي لا هننتووووو

[ابو الهنوف]

السلام عليكم ورحمة الله وبركاته


اخواني الفضلاء في هذا المنتدى الرائع بعد التحيه الطيبه حبيت أعرض عليكم مشكلتي عل وعسى الاقي رجال نشمي

يقدر يعلمني ويقول لي الحل من طقطق للسلام عليكم ......ولأني اعرف انكم كلكم نشاما وشقرديه وأعرف ان كل واحد

منكم يحرص انه يعلم اخوه ويعينه في الخير وكلكم تحبون الخير والمساعده وهذا من منطلق اسلامي وأخوه اسلاميه قبل

لا يكون من منطلق انساني <<<<<رايح فيها من جد :59:


اخواني الكرام ابعرض عليكم مشكلتي كلها وياليت تحلونها لي وتدلوني على افضل الطرق والحلول


بداية مشكلتي يا أخواني وقت البرد اللي طقق حريملاء انا كنت وقتها ورى رماح يعني مانيب بعيد عن الصمان

المهم يا شباب الغيمه هذي طقتنا هي وبردها بس الحمدلله كنا على اطرافها وقت ما مرت علينا ذاك اليوم لكن بالليل

بعد ما صارت الدنيا كلها مويه والأرض كلها تمشي مياه انا ما اخفي عليكم ادل بذيك الأماكن زييين وأعرف مكان الجروف

ومكان الشعبان اللي هناك لكن والله يا أخوان الواحد يلف راسه وخصوصا لا صارت كل الأرض مويه وما تشوف الا مويه


والمشكله انك بليل اظلم ولا تشوف شئ .....مالكم بالطويله يا اخوان فجأه وبدون مقدمات غطست سيارتي فجأه بوسط

شعيب صغير واكثر شئ غطس فيها الكفر اللي على اليسار وباب الراكب .....انا من غطست السياره على طول طفيتها

عشان ما يدخل المكينه مويه و نزلت منها انا واخوياي وجينا بكره وطلعناها طبعا المويه والطين دخلت بوسط السياره

ووصلت من الجهه اليسار الى حد الطبلون بس الجهه اليمين ما وصلها المويه الا لحد بداية الدرج بس ......طبعا من تركت

السياره ونزلت منها وهي يولع نورها ويطفي يولع ويطفي ....يعني صار التماس بالكهرب بعد ما سحبتها وديتها الرياض

وطلع فيها الكمبيوتر خربان حق الكهرب وغيرته والشكوى على الله بس المشكله يا اخوان انه طلعت عندي صووت ونه

على اليسار من جهة الكفر اللي على اليسار ولا ادري والله وش هالونه ومن وين طلعت والشئ الثاني اللي طلع معي

ان القير صار يالله يغير فيه ناس قالوا لي دزق وكلتش لازم يتغير وفيه ناس قالو لي اوزن الكلتش وفيه ناس قالوا لي

الزيت حق القير ناقص وانا والله ما افقه بأي شئ اسمه ميكانيكا وكهرب .....واخاف اوديها لأحد هالورش ويلعبون علي

المشكله اني كنت مغير الدزق والكلتش مالي الا شهر ونص ولا اخبر اني أهلكت الدزق والكلتش او حرقته في مطامر هالبر

فتتوقعون وش مشكلة القير معي ووش صوت هالونه اللي على اليسار طلع لي فجأه ...........واذا عرف احد الخبراء من

اخواني المشكله بحكم خبرته بهالشئ ياليت يدلني على مكانيكي صادق وأمين وصدقي عشان اروح له ........تراني

والله دبششششه بأمور الميكانيكا والكهرب .............انا مانيب مودي السياره الا الين اسمع نصيحتكم ومشورتكم .....


وعسى الأخوه فيما بيناتنا تكون دايمه يارب والله لا يوريكم مكروه فيه احد تحبونه ......وعسى السيل اللي غطست فيه

سيارتي يرجع لأني والله اشتقت لمثل هالسيول ..........ومشكورين مقدما ......علما بأن سيارتي جمس صحن مصفح

دبل ..................



والسلام عليكم ورحمة الله وبركاته..............

[عبدالهادي المفرج التميمي]

اهم شي اذا جمسك فيه كمبيوتر لازم تفحصه عند محلات الكمبيوتر المتخصصه

لانك ما قلت لنا كم موديله

ولا حتى نوعه بالضبط

[ابو الهنوف]

هلابك اخوي هادي

اول شئ الله يجزاك خير على ردك

ونوع جمسي مصفح غماره موديل الفين

وكشفت عند الجميح علي الكمبيوتر وغيره لي بس يعني هو غير الكمبيوتر لأنه كشف عليه ولقاه محترق

وبعدها طلعته منه ......وسمعت صوووت ونه بالكفر اللي باليسار والقير صار ما يغير الا بالطقاق يعني يعلق

مع اني كنت مغير الدزق والكلتش قبلها بشهر او بالكثير شهرين ولا اذكر اني جلدت كلتشش الموتر فايش توقعاتك

لصووت هالونه اللي بالكفر اللي قدام باليسار ووش توقعاتك ليه القير يعلق يعني ما يطيع يغير مع اني الدزق والكلتش

جديد


وتسلم يااااااااارب

[الغربي]

هلا وغلا اخوي ابو الهنووووووووووف


اول شي الحمد لله على السلامه


وثاني شي

الونه اللي تقول بالكفر اللي قدام


احتمال تكون رماااااااااااااااااااان


والكلتش

قبل لاتغيره
افضل شي تفضي زيته
وتعبيه من جديد
ويمكن يزين





بعدين عندي سوال
الكفرات جديده ولا قديمه

وان شاء الله نبي نلقا عله موترك

[ابو الهنوف]

هلابك والله اخوي راعي الغرابه يا عسى عمرك طويل يارب


الكفرات نص عمر بس مهيب شينه لا والله جديده


بس الحين عندي سؤال الحين له علاقة زيت الكلتش في انه يخلي القير يعلق ولا جيت تغير لنمره ثانيه يكون صعب

او يرفض انه يعلق ..........؟ وترى القير عادي مهوب توماتيك.....؟

وصدقت والله احتمال الونه صوت رمان الله يجزاك خير .........

[الغربي]

هلا اخوي ابو الهنوف

بدل الكفرات

اللي قدام حطها ورا واللي ورا حطها قدام

واحتمال يروح الصوت

بس الحين عندي سؤال الحين له علاقة زيت الكلتش في انه يخلي القير يعلق ولا جيت تغير لنمره ثانيه يكون صعب

او يرفض انه يعلق ..........؟

اكيد اخوي
ممكن يكزن ناقص
او كاسب هوى
ويعلق بالقير
او يكون فيه صعووووووووبه
في التعشيق

بالتوفيق اخوي
وحنا بالخدمه

[ابو الهنوف]

الله يجزاك خير اخوي راعي الغرابه

وما تقصر قول وفعل الله يرحم والدي ووالديك وجميع المسلمين

والله لا يوريك مكروه ......لا بالدنيا ولا بالأخره وجميع المسلمين يارب...

[الغربي]

المشاركة الأصلية كتبت بواسطة ابو الهنوف

الله يجزاك خير اخوي راعي الغرابه

وما تقصر قول وفعل الله يرحم والدي ووالديك وجميع المسلمين

والله لا يوريك مكروه ......لا بالدنيا ولا بالأخره وجميع المسلمين يارب...

جزاك الله خير

وابد ماسوينا شي

واللي تبي

موجودين بالخدمه

[صقر]

تسلمووووووووووون

والله استفدنا من هالمعلوماااااات

[بن سليمان]

وش نوع الكفرات اخوي


اذا هي كبيره يمكن الصوت منها