ان كان تنشد يالهويدي عن الطير

[عبدالله العنزي]

ان كان تنشد يا الهويدي عن الطير

=الطير والله يالهويدي غدالي

طيري عذاب معسكرات المسامير

=ان حل عند قطيهن الجفالي
ان جا نهار فيه شر بلا خير

=وغدالهن عند الطريح اجتوالي

ان دبر ن خيل وخيل مناحير

=وغدن مثل مخزمات الجمالي

على الرمك صيده عيال مناعير

=وشره على نشرالحريب الموالي

يرمي العشا لمعكفات الدناقير

=وضاري بذبح مشور بين العيالي

يضحك ليا صكت عليه الطوابير

=طير السعد قلبه من الخوف خالي

خيالنا وان عر جدن المظاهير

=وزيزوم عيرات طواها الحيالي

غيث لنا وان جت ليالي المعاسير

=وبالشح ريف للضعوف الهزالي

يسقى ثراه من الروايح مزابير

=تمطر على قبر سكن فيه غالي

هذا من الله كل شئ بتقدير

=جيت الوطا ومن اول كنت عالي

[فتى الرابيه]

قصيده رائعه
تسلم على حسن الاختيار---
تحياتي

[عبدالله العنزي]

المشاركة الأصلية كتبت بواسطة فتى الرابيه

قصيده رائعه
تسلم على حسن الاختيار---
تحياتي

هذا من ذوقك

[سفير الحيا]

يعطيك العآفيه ياعبدآلله وياليتك طرحت لنا آلقصه كآن ياعيني ياليل
عالعموم مشكور وقصيده جميله وأستمتعت بقراءتها لاهنت ثم لاهنت ياشنب

[عبدالله العنزي]

المشاركة الأصلية كتبت بواسطة مراسل مدركه

يعطيك العآفيه ياعبدآلله وياليتك طرحت لنا آلقصه كآن ياعيني ياليل
عالعموم مشكور وقصيده جميله وأستمتعت بقراءتها لاهنت ثم لاهنت ياشنب

الله يعافيك

[حـــــارب]

صح لـسان شاعـرها وصح ذووووقك وختيارك الرآئع اخووووي عبدالله العنزي
ننتظر جديدك
_________
اتمنى كتابة اسم الشاعر
او كلمة منقول اومما راق لي

لاهنت ياشنب

[عبدالله العنزي]

المشاركة الأصلية كتبت بواسطة عنادالجهني

صح لـسان شاعـرها وصح ذووووقك وختيارك الرآئع اخووووي عبدالله العنزي
ننتظر جديدك
_________
اتمنى كتابة اسم الشاعر
او كلمة منقول اومما راق لي

لاهنت ياشنب

شـكــرا لـكــــ مــن ذوقـكــ

[بقآيآ .. حرف]

تسلم على النقل

ويسلم ذووووووووووووقك

[الركام]

مشكور على الاختيار الجميل