| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
|
|
#1
2011-01-01, 04:19 PM
|
||||
|
||||
شاهد ما يحصل في أم رقيبه
سبحان الله وأنا راجع من الرياض إلى حفر الباطن يوم الخميس اللي مضى وكان الجو غبار شديد ومريت من عند أم رقيبة والله يا جماعة أوضاع تُشتكى إلى الله عزوجل من الشباب الله يهديهم ويصلحهم ونقول ليه ما يجينا المطر ..!! والله ياجماعة الخير الجو مغبر غبار شديد والعالم مادري وشلون جالسه .. وكل ما أمشي خطوتين ألقى واحد مغرز وحوادث .. إليكم هذه الصور ألتقطها من عدسة جوالي  الله يكون بعونه مغرز وما عنده أحد يساعده   شوفوا الحادث لراعي السطحه الله يرحمه حادث شنيع مع راعي سياره صغيره طبعاً مات الرجل وزوجته وراعي السطحه كذالك مات الله يرحمهم أجمعين   وهذا ما شاء الله عليه مدري من وين جاب سيارته يالله تمشي والشباب ما قصروا فزعوا له  وهذا راعي الكامري أيضاً مغرز بس تغريزه (( قشره ))  وهذه الصوره لبعيرين اسمائهم زغلول والثاني زعتور جالسين الله يعينهم على بعض الناس وجرت بينهم نقاش اسمعوا ماذا قالوا  زغلول : مساك الله بالخير ياولد زعتور : هلا بك يا زغلول زغلول : وش رايك بالجو .. زعتور : خلهم يستاهلون ما جاهم لأني بصراحه ظلموني !! زغلول : أفا يذا العلم وشلون زعتور : ولد عمي بهلول أنباع بـ 20 مليون وأنا محد درى عني زغلول : أعوذ بالله بـ20 مليون والله يأخي ظلم هذا زعتور : عاد من زين ولد عمي بهلول والله ما يسوى هالسعر هذا .. بس علشان برطمه عريض شوي زغلول : أقول زعتور بالله شرايك فيني شوف برطمي وش كبره يعني تهقى كم أجيب في السوق ! زعتور : أقول لا يسمعونك بس .. من زين براطمك أنت وجهك والله ما تجيب حتى 2000 ريال وتخب عليك بعد زغلول : الله يسامحك يا زعتور .. يعني أنت من زين شكلك لا وحاطينك في الشبك خايفين عليك زعتور : أقول أنت ما تشوف العالم مدري وش مجلسهم في الغبار زغلول : والله من المهايط .. اللي عندهم زعتور : عز الله أنك صادق .. يقول ولد خالي سمسور وهو عند واحد من المشاركين يقول جاهم واحد فقير ومسكين يطلب مساعده .. تخيل ما عطوه وجه وقالوا له الله يرزقك زغلول : لا حول ولا قوة ألا بالله زعتور : تصدق يا زغلول أني مبسوط و مستانس .. زغلول : ليه مبسوط .. عساه دوم زعتور : اليوم اخر يوم في أم رقيبه زغلول : الله يبشرك بالخير .زين فكونا من المهايط زعتور : ما دريت عن ولد جاري شمشول ..!! زغلول : ليه عسى ما شر شفيه بعد . زعتور : يا ولد مدري وش جاه من عقب أم رقيبه وهو مو مظبوط وصاير دلوعه وبايخ وحاط كدش زغلول : ايه يحقله يتدلع أكل ونوم عند الشيخ ......؟؟ زعتور : اي والله انك صادق اما حنا ماكلين هوى حتي برسيم شاحذينه من الجيران هذي صورة شمشول الدلوعه ومسوي كدش  زغلول : يالله مع السلامه نشوفك السنه الجايه في أم رقيبه زعتور : لا الله لا يقوله أن شاء الله يجيني الموت قبل ما أجي أم رقيبة زغلول : بكيفك أما أنا عندي معزبي نشبه يازين من حشره في الزاويه وتوطى في بطنه وهذه القصه جرت بين زغلول و زعتور شوفوا يا جماعة حتى تسجيلات الأغاني موجوده الله يهديهم  شوفوا الشباب وهم مسوين مسيره و مشغلين الاغاني وهذ الوقت والله ثم والله كان وقت صلاة العصر الله المستعان .. ونقول ليه ما يجينا مطر   نتظر تعليقاتكم الحلوه بقلم محبكم / أبن الفياض ــ ابومصعب ــ
|
|
#2
2011-01-01, 04:27 PM
|
|||
|
|||
الكدش يهبل الله يعطيك العافيه على هالصوره
|
|
#3
2011-01-01, 06:22 PM
|
||||
|
||||
|
|
|
#4
2011-01-01, 06:32 PM
|
||||
|
||||
|
شتان مابين بداية مزايين عام 2001 ومزايين عام 2005 الى 2010
|
|
#5
2011-01-01, 06:34 PM
|
|||
|
|||
|
موضوع
|
|
#6
2011-01-01, 08:43 PM
|
||||
|
||||
|
يعني هو في تعليق اكثر من مشاهد بالصور
|
|
#7
2011-01-01, 09:39 PM
|
|||
|
|||
|
بارك الله فيك والله يهدي شباب المسلمين
|
|
#8
2011-01-01, 11:09 PM
|
||||
|
||||
|
هياط × هياط × هياط تقول طقاقات حاطين سماعاتهم فوق ظهور مواترهم في ام رقيبه
|
|
#10
2011-01-01, 11:50 PM
|
||||
|
||||
|
رحم الله تعالى المتوفين الذي أظهرتهم بالصورة وأسكنهم فسيح جناته والهم أهلم وذويهم الصبر والسلوان وأشكرك أخي أبن الفياض على هذا الموضوع الجميل والصور الجميله التي أخفتها وسائل الاعلام وأنت فضحتهم والله هذا المزاين ماياتي منه خير حزازيه وعنصريه واسراف بالاموال وتعذيب للابل تشاهد امور اي رجل فاهم ومتعلم لايرضى هذا الشيء كالرقص وجدع الاشمغة وغير ذلك والمصيبه انك تشاهد صغار سن وايام الدراسه أنا اقول ليس المشكله في الابل بل المشكله بما يتبع المزاين والله المستعاااااااااااااااااااااااااان
|
|
|
|
العرض المتطور
