| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
|
|
#1
2010-11-06, 04:54 PM
|
|||
|
|||
علامك جيت ياقلبي وراجع خاطرَك مكسور !!
. . ؛ علامك جيت ياقلبي وراجع خاطرَك مكسور ...................أبد لا ينكسر خاطرك دامه صاحبي جاير أبي تنسى مبادئنا وتترك طبعنا المغرور ...................وأبي هالحين ترجع له وقلّه يطلب ويامر وإذا جت عينك بعينه أبي تشهد شهادة زور ...................بأني مذنب ومخطي وقلبه ناسي وغافر وقلّه لايخليني على حزني أبات شهور ...................لأن الموت أشوالي وأنا من طبعي ماكابر ولايفكّر يقول: انسى وغيري بالبشر مذكور ...................لأني ماخبر غيره / قسم بالله مو خابر أحس اللي خلق زينه خلق باقي البشر ديكور ...................وأحس الورد لاشمه يميل وينثني شاكر وربي هالبشر بعده هياكل والبيوت قبور ...................ولابه شي بالدنيا يجاري غيابه الكافر حبيبي يابعد كل الحبايب والزمان يدور ...................علامك ماتخاف الله تعال وشوفني وناظر ألا ياصاحبي القاسي بدونك هالحياة تغور ...................ألا ياسبّة جروحي ألا ياحظي العاثر أحبك يامنى عمري وغيرك يمسك الطابور ...................أحبك يامولّعني وأذوب بصوتك الخاثر أنا من كثر مااحبك أحس إني معك مسحور ...................فديتك خلني مسحور إذا تبقى لي الساحر تعااال وخذني بكيفك.. قصيد ولو تبي جمهور ...................فداك اللي قصدته أمس واللي بَقصِده باكر لك الله وانت خابرني شجاع ولاعلي قصور ...................ولكن لو وصل أمري بيدّك آآه ياساتر !! دخيلك انتبه ! لا..لا تمادى مع رجل مقهور ...................ترى قهر الرجال أكبر من اللي تحسب وفاكر أنا حبي معك والله عفيف وطاهر ومستور ...................حشا صعبه تلاقي قلب شروى قلبي الطاهر إذا ناوي تجربني ترى وقتك معي مهدور ...................أموت بنار طغيانك .. ولاينقال لي صابر! أمانه روح ياقلبي وأبي تضبط عليه الدور ................... أمانه طيييير له تكفى وأبي هالحين ياشاطر أبيك تحب لي راسه وتنسى طبعنا المغرور ...................ترانا اثنيننا والله بدونه نكسر الخاطر!! . . ..... ...........
|
|
|
|
العرض المتطور
