وربي لو تبي عيني فداك العين وراعيها
على ذِيك الدروب اللّي / مِشت خطواتنا فيها
سرت أحلامنا عجلى وحلّت دونها حسرات
تلاشت ضحكة أحبابي / وجوٍّ كان محييهـا
توطّن بالحشا فرقا / وزادت بالصدر طعـنات
طلبت { إحساس جمّعنا } يرد أيـام نبكيها
يرجعنا لذاك النور / ونزرع بالفرح ضحكات
رجيت عْهود يالغالي حسبت إنّــا نوفّيها
حسبتك ما تقاطعني وتتركني بدون صْفات
علامك ما ترد الصوت ..! وأشواقك تخبيّها..!!
علامك ما تجاوبني وتقتلني جفا وسْـكات
حبيبي كان تسمعني ترى أيامي مجافيها
بعد ما غابت علومك هناها والأمل بالذات
وتخنقني حروفي صمت عجز بوحي يهدّيها
وتغزيني سهامك لين / أجرّ بداخلي آهـات
تنطقني دموعي بوح عجز صمتي يداريها
وتفضحني بـراءة عين ملاها وقتها بدمعات
أنا من غابت طيوفك / وأحزاني أناجيها
أنـا من زارني بُعدك كتبتك بالحنين أبيـات
أنــا في حبنا طفله / وأشواقك تناغيها
وصالك بسْ يرضيني / وقُربك أطيب الحّزات
تعال ونوّر أوقاتي / تعال وعلّتي إشْـفيها
تعال وداو لي جرحٍ يزيد بْـغيبتك ونّات
وربّي لو تبي عيني فـداك العين وراعيها
لإنّك داخلي موطن وشوفك يبري العلّات
فداك الكون وأيامي فداك الروح وإنهيها
مدامي ميّته بيدك { تراها أسعد اللحظات }
منقوووووووول
ممــــــــــــــــــــارآق لى
2010-09-21, 06:49 PM
وربي لو تبي عيني فداك العين وراعيها
العرض المتطور
