شخابيط شاعر والعمدة

[ابو فراس]

يقول شاعرنا الانيق بعد ان شاهد هالصورة في احد مواضيع الرحلات وحب يعلق عليها ببيتين

بعد ان شفت هالصورة هوجست بهالبيتين

قـم ياقلم وشخبط لك شخابيط ***صرت اهوجس وهاجوسي مخربط

ياويل الدوج من غراز و تفاحيط ***والعمدة حط مركاه وبعصاه خطط

وانتم علقوا
عليها الشاعر ببيت او بيتين واللي مهب شاعر سطر او سطرين

[Al-KHUSHAIBY]

صح لسانك ولسان الى قايلها

[وليد الرياض]

الله الله
أبيات تحكي عن الحال
مشكور

[الذعذاع]

لا والله الا روح الليل وأمرحت @@@ بين الطعوس وبين ذيب الغداري
بعض المواتر فيه ياناس ما ارتحت @@@ في كل ليل مفزعن فيه جاري

مشكور أبو فراس
أرجو قبول البيتين وعند بالي إنه أنت اللي بالصوره والا أنا غلطان

[ابونواف التميمي]

حبيت اشارك بن عمي واكتب لي كم بيت

كل الجماعة روّحت يم اهلها
وانا مقابل موتري بالغرازي

كل المواتر اثبتت لي فشلها
الا الكروزر هادمن للنوازي

خل الدراهم تنصرف مع هللها
وللبازعي تلقى رفيق الغوازي

...........

هديه مني لابوفراس اتمنى قبولها

[**ابوعمر**]

اشكرك اخي على الموضوع , واتمنى قبول هالبيتين

قم يا نديبي نزّل العفش كلّـــــــه :: والله ما اقــــــوم الا عــلى جيّة الجيب
جهز لنا برّاد شاهي ودلــــــــــه :: الدوج يــــــــا شــينه كثير العذاريــب
حسبي على الي ناصح ٍ فيه خله :: وشلون تنــصح من نزف يطعم الذيب
الجيب في قلبي رفيــع ٍ محلـــــه :: لو ان مشرى الجيب به يقضي الجيب

**ابوعمر**