| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
|
|
#1
2010-07-05, 10:08 PM
|
||||
|
||||
وانا على شاهي وبسكـوت ديمـة
مدري ( تفو ) هي مدح ولاّ شتيمـة  حــتــى وردنـي تالـي الـليـل جــوال وانا على شاهي وبسكـوت ديمـة الرقم بايخ لكـن الــصــوت قــتـال كنــه مثل صـوت المذيعـة حليمـة قــالت مساء الخير يـا طيّـب الفـال قـلـت ارحــبـي تــرحيبـةٍ مستديمـة بـالـعــود والصفـري ودلـة وفنجـال واجـبـك يا بنت الأصـول الكريمـة وردت بضحكة ثم قالت وش الحـال؟ قلت اشهد إن الحال عقبك سقيمـة قالت وهي تضحك بعد مثل الأطفال وانـــا بـعـــد كــنــي بــدونـك يتيمـة مـــن يـوم قـالـتهـا تزلزلـت زلـزال مــن فجعتي كنـي مسـوي جريمـة قلت ارفعي صوتك ترى مابه ارسال كـــذاب لــكـنّ المصيبـة عظيمـة قالت أقول اسمع ترى هرجنـا طـال مــمكـن تصاحبنـي ترانـي وسيمـة واسمي الحقيقي أول حروفـه الـدال لــكـــن يسمّونـي البنـات الزعيمـة صحيح أحب الفخفخة واعشق المال لكـن ترانـي طــاهــرة مستقيـمـة ما عندي امغازل ولا( لعب يهّـال ) ما عندي إلا في الشرف والحشيمـة بس الصراحة قلبي لشوفتـك مـال واصبحت وحدك جالسٍ في صميمه فكّر بعقلك واترك القيـل والقـال واحذر تطيع اهل العقـول العقيمـة وارسل علي الحين خمسميـة ريـال أشحن بهـا جـوال أختـي غنيمـة أو طقم غالي فيه خاتـم وسلسـال أروح بـه فـي عـرس ولاّ عزيمـة قلت الحقيقة مانيب رجـل أعمـال ولانـي بتاجـر والمـوارد عديـمـة أنا الصراحة شبـه عطّـال بطّـال وعلاقتـي بالفــقـــر جـداً حميـمـة والراتب الله يرحم الحـال مـا زال محـدود والمصـروف ربـي عليمـه والــديـن بـالآلاف والبنـك شغّـال يــاكـل فـلـوسـي بالربـا والظليمـة والسوق طايح والغلا ضيّـق البـال والموت والله صايـر اكبـر غنيمـة قالت تحمّل بـس والحمـل ينشـال خلك شديد الباس صلـب العزيمـة ياخي تصرّف جعلك اتصيـر نشّـال أهـــــم شــي إن النوايـا سليـمـة لابــد تـفـهمني علـى كـل الأحـوال ما دمت من أهل العقـول الفهيمـة قلت إيه والله فاهم اللي على البـال لــكــن تــرى هـذي علينـا قديمـة يــا بـنت هـذا صايـر اليـوم مـوال للي تبي تلعب علـى ابـن اللئيمـة يا بـنــت ما تدرين كـم فيـه محتـال يلعب على الحبلين وانتـي غشيمـة يا بنت كم من جاهلة دمعها سـال من عقب ما جات العواقب وخيمـة والبنت لا اقتفى عرضها بيد الأنـذال والله مــا يــبـقـى لهـا أي قيـمـة قالت تبي ولاّ فـ خـلّك علـى جـال مهوب ناقصـني نصايـح حكيمـة عز الله إنك للأسف منـت رجّـال وانك قليل الذوق ما فيـك شيمـة يا لعنبو اللي مـا يسطّـرك بنعـال حــتـى يـعـلمـك الغـزل يـا بهيمـة ) تفو ) عليك وصكّت الخط في الحال مدري ( تفو ) هي مدح ولاّ شتيمـة؟؟ وسلامتكم
|
|
#2
2010-07-05, 10:14 PM
|
||||
|
||||
قلت إيه والله فاهم اللي على البـال لــكــن تــرى هـذي علينـا قديمـة يــا بـنت هـذا صايـر اليـوم مـوال للي تبي تلعب علـى ابـن اللئيمـة ههههههههههههه مشكووووره أم العنوووود على القصيده الفكاهيه والمحزنه بنفس الوقت لان كثير تمر عليهم هالحركات والله ضحكت يوم قال مدري مدح والا شتيمه يعافيك ربي
|
|
#3
2010-07-06, 05:44 AM
|
||||
|
||||
|
[quote=الذعذاع;882880] قلت إيه والله فاهم اللي على البـال لــكــن تــرى هـذي علينـا قديمـة يــا بـنت هـذا صايـر اليـوم مـوال للي تبي تلعب علـى ابـن اللئيمـة ههههههههههههه مشكووووره أم العنوووود على القصيده الفكاهيه والمحزنه بنفس الوقت لان كثير تمر عليهم هالحركات والله ضحكت يوم قال مدري مدح والا شتيمه يعافيك ربي حياااك الله شاعرنا الذعذاع والعفوو ونورت موضوعي وكل الشكر على مروورك وردودك الراقيه دمت بخيررروسعاااادة
|
|
#6
2010-07-06, 01:11 AM
|
||||
|
||||
|
هههههههههههههههههههههه هههههههههه والله انك خطيره بهذه القصيد الفكاهية والمضحكة والجميله فعلا ضحكت منها واسلوبها الراقي ويحكي ما هو حاصل الآن ممن قلوبهم رقيه من يوم يسمع الصوت الناعم والرجال منتهي وآخرتها اشحن جوالى سلفنى خمس ميه جب لى جوال وكل ها الامورتمشي على خرفان آخر هذا الزمان وهكذا الصوت الشجي الحنون يخرج الفلوس من جيب ذا النون وشكل اسمها دلال آآآآآه منك يادلال خليتي صاحبنا في خبر كان بصوتك الرنان وآخرتها...وش قالت؟؟؟ قالت تبي ولاّ فـ خـلّك علـى جـال ***** مهوب ناقصـني نصايـح حكيمـة عز الله إنك للأسف منـت رجّـال ***** وانك قليل الذوق ما فيـك شيمـة يا لعنبو اللي مـا يسطّـرك بنعـال ***** حــتـى يـعـلمـك الغـزل يـا بهيمـة
|
|
#7
2010-07-06, 05:57 AM
|
||||
|
||||
|
اقتباس:
والعلوم اللي تنطرب منها مسامعك وتبسطك مشرفنا بوحمد والله يرزقنا وياك بالنادر اللي يشرح الخاطر,, ولاهنت على مرورك ودمت بااالف خيرررر
|
|
#8
2010-07-06, 01:19 AM
|
||||
|
||||
|
|
|
#9
2010-07-06, 06:00 AM
|
||||
|
||||
|
اقتباس:
حياك الله مشرفنا بندر والعفوو ونورت موضوعي بمروورك ولك مني اجمل تحيه ودمت بااالف خيرررررررر
|
|
|
|
العرض المتطور
