نــدء إلـى الأخ العزيـز : حـاتم ،، وإلـى الأخوه الأفـاضل

[الذيب المعيدي]

السلام عليكم ورحمة الله وبركاته .....

ثلاث أسـئله موجّه لـ من ذكرتهم بالأعـلى :


1/ هل الباترول من موديل 2005 إلى موديل 2007 (( الفتك والـ 4500 )) أثقل في القياده وفي القومه من الـ 2002 ونازل ؟؟


2/ هل أنظمت البخ تغيرت في الفتك 2005 وطالع ؟؟ وبالتالي قلَت صرفيته للبنزين ؟؟


3/ هل مكينة الفتك من 2005 وطالع أكثر تعقيداً من الـ 2002 و2003 و 2004 ؟؟


4/هل الفتك 2005 يحتر مع الجور والإستخدام الشَاق ؟؟




ارجو منكم الإجـابه من واقع تجربه ...





تقبَلو تحيات أخوكم / الذيب المعيدي:29:









.....

[الصلبوخي]

وعليكم السلام ورحمة الله وبكاته

حياك الله وبياك اخي الكريم الذيب المعيدي

بإذن الله تأتيك الإجابة من مشرفنا الكريم حاتم

او احد الأعضاء الكرام

وحياك الله مرة اخرى

دمت في حفظ الله ورعايته

[محمد القحطاني]

بارك الله فيك اخي الكريم

سوف اجيب على سؤال التسخين لعلمي به

وهي انه قليل السخونه

لك كل شكر وتقدير

[صاهود]

اخوي الفتك اقوى في فزة الموتر بكثير

[حـاتـم]

1/ هل الباترول من موديل 2005 إلى موديل 2007 (( الفتك والـ 4500 )) أثقل في القياده وفي القومه من الـ 2002 ونازل ؟؟

نهائيا الباترول ال4800 الفتك من 2002 الى الـ2007 مافيه فرق فالعزم نهائيا نفس العزم والوزن
اما عن الـ4500 فالموديلات القديمه قبل 2005 بالاول نفس الفتك حتى من الممكن ان يفز راعي الـ4500 على الفتك لان الفتك عزمه قويه ويباوش مكانه ما ال4500 ففزته اسرع لانه مايباوش

الباترول الـ4500 من 2005 وطالع القير اثقل والنمر قويه لكن ماجربته بصرحه انا مجرب ال4500 القديم والفتك


2/ هل أنظمت البخ تغيرت في الفتك 2005 وطالع ؟؟ وبالتالي قلَت صرفيته للبنزين ؟؟
النظام نفسه والصرفيه نفسها


3/ هل مكينة الفتك من 2005 وطالع أكثر تعقيداً من الـ 2002 و2003 و 2004 ؟؟

نفس المكينه بالضبط فقط في الـ2005 وطالع فيه حساس على القزوز اذا انفصل تولع لمبه المكينه

لذلك الي يركب هدرز لازم يشبك معه حساس ومافيه فرق غير كذا

4/هل الفتك 2005 يحتر مع الجور والإستخدام الشَاق ؟؟

الفتك من 2002 الى ال2007 نفس المحركات والحراره والاستخدام الشاق مايضره بأذن الله

لان مكينته قويه وتقيله وتشيل زيت كثير لجمايه المحرك

_______________________

للمعلوميه الفتك من الـ2006 وطالع القير التماتيك فقط

مايقطع بأي نمره لان حطو فيه نظام حمايه يوصل للضغط الـrpm العالي ولا يقطع فقط يعلق

وشكرا

أخوك / حاتم

[الحسيان]

معلومات مفيده
شكرا حاتم

[.:نـــومـــاسـ:.]

شكرا على هذي المعلومات

الله يحفظكم ويخليكم لنا

.:نـــومـــاسـ:.

[الذيب المعيدي]

شكرا جزيلاً على المشاركات المفيده جميعاً ...

وجزاكم الله خير ..

[دافنشي]

وحنا بالخدمة اخوي متى ما بغيت

وابشر بالفزعه باللي نقدر عليه


ليونارد دافنشي