تانكي لخلفية اللكزز

[الروضة]

السلام عليكم ورحمة الله وبركاته
أخواني أعضاء وزوار البراري
مع بداية الربيع إن شاء الله والخير في هذه المناسبة هذا تانكي لخلفية اللكزز بدل ماتنزل الأستبنة
والتانكي طوله 107سم وأرتفاعه 25سم وعرضه 30سم ويحمل من الماء حوالي 70لتر
ويكون بعده طبق نفس الأرتفاع ولكن عرضه 123سم وعمقه 70سم وجوانبه متحركة من أجل المخابي اللي على جنب
ماأطول عليكم أرجوا أن تكون الصورة تعبر أكثر وأي ملاحظات نتقبلها بصدر رحب
((( شكر خاص للأخ هادي وأبو هشام ))

[دافنشي]

ما شاء الله

قبل كل شي الحمد لله على السلامة

ومن طول الغيبات جاب الغنايم

والله تانكي على كيف كيفك

طيب ما يصلح للجيوب الثانية ؟؟


ليونارد دافنشي

[محمد القحطاني]

بارك الله فيك اخي الكريم

فكرة ممتازة جدا ولا تأخذ حيز من السيارة

لك كل شكر وتقدير

[ابو فرح]

شف عاد ما حلفتني

اليوم في المدرسة واحد من المدرسين شاري لكزز وكنا نسولف وين يحط تانكي فيه ؟

وانت جبت المفيد

بكرة ابعلمه يسوي مثله

ولك الحقوق كلها

[الروضة]

الأخ دافنشي
الله يسلمك من كل شر وجميع المسلمين
التانكي يصلح لكن تعرف اللكزز مايكون له أستبنة خلف
أخوي البري
حياك الله ومشكور على مرورك الكريم
أخوي أبو فرح
حياك الله ومصدق إن شاء الله بدون حلف وغن شاء الله يعجبك ويعجب رفيقك
وبعدين أخبره إن مافيه تخريم في السيارة مثل ماتشوف رابط التانكي في قواعد المرتبة الثالثة
ولايتحرك سم
ومشكور على تشريفك الكريم

[النايفات]

لله درك

ما تجيب الا الجديد والمفيد

من عرفناك

ربي يسلمك

والحمد لله على السلامة

[صاهود]

فكرتك ممتازة جدا

وما تضيق مثل ما قال الاخوان
لكن لو خليت التانكي ياخذ نفس ميلان المرتبه ما يكون اكبر شوي او يسبب مشكلة ؟

[عبدالوهاب العطالله]

ما يمكن يزود عن السبعين لتر شوي

على الاقل يوصل مئة

بس استغليت مساحة ضايعه بالجيب

[الروضة]

الأخ النايف
حياك الله وهذا من طيبك ومشكور على المرور
الأخ صاهود
حياك الله والتانكي آخذ ميلان المرتبة ولذلك يأخذ بالتحديد 66لتر ولو ماأخذ الميلان الكان يشيل 80لتر
( من أعلى عرضه 24سم ومن تتحت 30سم

الأخ الزلفاوي
حياك الله ومشكور على تشريفك
وممكن يأخذ أكثر أجعل طوله 110سم وعرضه 35سم وأرتفاعه 30يشيل 115لتر

[بن سليمان]

والله موقع ضايع في السيارة

وحنا دائما نستغل بالسيارة كل مكان

شكرا اخوي الروضة