السلام عليكم ورحمة الله وبركاته
واسعد الله جميع اوقاتكم عندي كذا نكته وطرفه مضحكه احببت اشارك بها معكم
ويعلم الله القصد هو زرع بسمه على شفاهكم اخواني فلا يزعل اويتضايق احد اذا لم يعجبه نكته فيهن
1- يقول لك فيه طفشان من زوجته قام نصف الليل على صوت صراخ الجيران طلع من البيت وسأل وش فيه قالوا فيه تسمم في خزانات المياه رجع البيت سألته زوجته ايش فيه قال ابدا مافيه شئ اشربي مويه بس ونامي .
2-عجوزشافت علبه تحسبها عصير وهي تمشي وطلعت مسكرشربت ... ....
وبعدها انقلب رأسها نزلت ووقفت تاكسي وقالت له ودني الجنه جعل والديك في البديعه
وهي تبي البديعه جعل والديه في الجنه .
3- يقولك سعوديين في مصر مع فريق مصري يلعبون كوره جابو هدف الحكم صكهم كلهم بإنذار كرت اصفر بعد الهدف ليه ؟؟؟؟؟ ضاع الوقت وهم يقول بعضهم لبعض خشمك خشمك يالذيب
4- يقولك خبل مصدع راسه ؟؟اشترى بندول ومالقى مويه يشرب
قام بلع الحبه وتيمم.
5- خبل منوم بالعنايه المركزه ليه ؟؟؟ قاعد يرسل ويتصل من بدأ عرض الاتصالات المجاني وفي الاخير طلع جواله موبايلي .
6-نذل فتح ملاهي وسجل الدخول ب100 ريال ماجاه احد
سجل الدخول ب50 ماجاه احد ب 10 وبريال قام وحط الدخول ببلاش دخلو العالم قام وقفل الابواب وقال الخروج الحين ب500 ياتعبانين .
7- الكشته السعوديه عند اغلب الناس :
1- صجه ولجه
2- اص ولا بنرجع
3- لاتبعدون
3- لايقضي الماء
4- لاتحفر ياولد غبرت علينا
5- هذا الحين مالقى يمر الامن هنا
6- يبه ابي الحمام
7- اقول حط سيراتك من هنا وقات للحريم
8- وين القبله معه الحين
9- مشينا ماعاد الاخير
8- عجوز سألها الدكتور : كم عمرك ياخالتي ؟
قالت :والله ياوليدي مادري مير تقول اميمتي جعلها في الجنه يوم انا توي احبي
وحصه الحمود تمشي ...:new3:
9-نذل صاحب مخبز جاه مسكين قال له : لي شهرين ماذقت طعم الخبز قال له :
ابد نفس طعمه ماتغير شئ .
10- يقول لك اهل ديرتين اشتركوا في بناء مقبره مشتركه
اول اسبوع مات من الديره الاولى خمسه ثاني اسبوع مات من االديره الاولى كمان سبعه ثالث اسبوع مات من الديره الاولى بعد عشره قال واحد من الديره الثانيه لاهل ديرته ياجماعه بيملونها وحنا قاعدين نتفرج لازم نتحرك .
11- البوء إمباء
أؤلك البوء إمباء :biggrin:
(( تفسيرها ))
سعودي في مصر يشرح للشرطي ان بوكه انسرق
12- غبي وعياله يعتمرون طافو 32 شوط قال واحد من عياله بابا تعبت متى بنوقف
قال حالنا حال هالناس متى ماوقفوا وقفنا احتسب الاجر بس .
13- المرأة عرف عنها اللقافه ولتسأل زوجها دائما :
من قابلت ؟ ومن شفت ؟ومن اتصل بك؟ومن رحت معه ؟ومن تتروح له ليه كاشخ
ومن ركب معك مغير المرتبه
ومن .......ومن ......ومن
لذلك سميت المرأة باللغه الانجليزيه ومن
وعرف عن الرجل الاعتراض واسمه بالانجليزيه مان
لانه مان يب موديكم ؟ مان يب جايبكم ؟ مان يب مخليكم تروحون معهم ؟
مان يب مقدم على شغالات ؟مان عرفهم لاتروحون لهم .
(((((((((((((( مدرس سكران يشرح عن اللغه الانجليزيه وثقافتها)))))))))))))))))))
14- محشش تضارب مع امير جت الشرطه وخذوه للسجن وقالو له منطلعك الابكفيل
قال وجع :امداه يسحب الجنسيه .
15- واحد غبي ومسكين وخبل اسمه حمدان فتح محل في الامارات كتب عليه محل حمدان وشركاءه
سألوه مصلحه الضرائب والجزاءات وين الشركاء قال مافيه بهذلوه وغرموه وسكروله محله ضاق صدره وسافر للسعوديه بعد اسبوع اقيم عليه القصاص ليه ؟؟؟؟
فتح محل وكتب على لوحه المحل حمدان وحده لاشريك له (( اعوذ بالله ))
16- وحده كل ماجابت ولد مات راحت لدكتوره خبله وشرحت لها سألتها الدكتوره جدهم طيب عايش قالت لا قالت بس عرفنا السبب هذه وراثه طالعين على جدهم .
17- نذل مررررره سألوه ودك ابوك يموت وتارثه ؟؟ قال لا ودي ينصدم واخذ الديه والورث
18- محششين جالسين يسولفون قال واحد للثاني لوالارض اسرع بثلاثين مره عن الحين وش بيصير قال مدري ؟؟؟ قاله بنستلم الراتب كل يوم يابقره .
19- ديره كلها قراويه جابوا لهم بدل بكرفتاتها عشان يلبسونها لاجاء الوزير لزيارتها
200 توفوا و450 في حاله خطره 1200 في عداد المفقودين من ربطة الكرفته .
20- نمر شاف قطاوه يتهاوشون قال : ياشين حركات الابتدائي بس .
21- فار خايف منه كل من في الغابه ليه ؟؟؟ لقى اسد ميت وجلس يجره قدامهم ويقول انا لاعصبت ماارحم ترى .
22- غبي يلعب هو وحمار كيرم قالو له ماتستحي تلعب مع حمار ؟ قال اللي موعاجبكم غالبني ثلاث مرات .
23- عجائز يدرسون بحو الاميه حضروا عشان يستلمون شهاداتهم لقوا على الباب
عفوا اخواتي الشهادات غدا
قامو يبكون ويقولون كل السنه دراسه واخرتها غدا (( غدا باللهجه النجديه ضاعن ))
24- عجوز كانت ماره عند تلفزيون شافت مصارعه قامت وسكرت التلفزيون قالها ولدها ليه قالت لو صبرت شوي كان ذبحو بعض اعوذ بالله منهم .
25- عجوز بتسوي فيها فاهمه وتكفش ولدها دخل عليها ولدها في الليل قالت افا يامحمد جاي متأخر وريحتك بلوت بعد .
اتمنى ان تحوز على ابتسامتكم ورضاكم واذا فيه شئ اعذرونا
2010-01-01, 10:02 AM
طرائف ونكت مضحكه حبت اشارك بها معكم
العرض المتطور
