السلام عليكم
أخواني الكرام
مره وانا طالع اقضي شغل لمحلاتنا
شغلت السياره الونيت الديزل المزعج وقلت الله يعين بسم الله
وحركت يوم وصلت منتصف الطريق الا الجوال يرن واشوف الوالد يتصل بك
وارد سم يبه
حااتم وينك فيه
والله عند طريق الجامعه رايح
طيب ارجع واطلع مع العامل الفلاني للصراف واعطه مبلغ وقدره
سم
وانا رجعت من حينها
وصلت للمستودع
العامل واقف ينتظرني وهذا العامل كان معروف عندنا من اكثر من 14 سنه
وكان المسجل مايسكت عنده اغاني اغاني ولا حاط صوره فنانات عند مكينه الخياطه
قلت ماشاء الله عليك واصلك خبر
انا وقفت الونيت ابي ارتاح شوي
قلت للعامل خلنا نمشي رجليه للصراف احسن
وافق العامل
وحنا ماشين
قام يسولف علي العامل انه بيسافر فعطله الحج للهند
قلت له
كم تبي تقعد
قال : 6 شهر
قلت : اوف واجد
قالي : انا لازم شوف اولاد زوجه زعلان
قلت : طيب 6 شهور واجد
قالي : انت هنا فيه بابا فيه ماما ما في مشكله
قلت : والله انك صادق الله لايلومك
بس ماودك تأخذ المدام وتروحون للحج
قالي : الحج غالي مره انا ومدام ممكن 14 الف
قلت : ياساتر الله يعينك
ثم بدأ يوصفلي متعه الحج للي راحوا ويتمنى الحج
وقالي كلام عجيب ممكن تكون فكره الهنود عن الحج
قالي :
انا لما روح حج خلاص مافي اغاني مافي مشاكل مع نفر تاني
بعدين حج لازم امشي سيده
قلت : والله مادري عنك انت وهالصور والمسجل الي من خبرتك وهو يون عند اذنك
قالي :
اي نفر في حج لازم أحترام حج لازم مافي سم سم اول
قلت عساك إن شاء الله
ثم بدأ يوصف لي حال الي سبق وحجوا في بلاده
يقول ناس محترمين الكل يحترمهم
وبعدها وصلنا وسلمت عليه
ومشيت.
وهذا ماحصل معي بالضبط
مع العامل
ما رأيكم فكرته سليمه ولا لا
انا معه لانه احترم الحج وترك المعاصي بعده
والله يرحم الجميع
وشكرا
أخوكم / حاتم
2006-10-29, 10:14 AM
إحترام الحج ....
العرض المتطور
