آخر محطاتي في سوبانج .. حياكم

شيهانه · 2011-08-08, 12:00 AM

اهلآ فيكم في آخر محطه لي في رحلتي الممتعه

واشكر كل من مر واثنى ع الصور والرحله وكل من دعى لي بخير عساه للتوفيق والسلامه ربي يسعدكم حبايب ,,

وهذي سوبانج ,,, آخر محطاتي ونزلت في فندق سوجانا كلوب ,, وراح انقل لكم صوره للفندق من جوا بكل مافيه عشان الناس اللي تبحث عن الجمال والراحه والسعر المعقول مع انوا الخدمه لك عليها وباحة الفندق من جوا ماعجبتني نوهآ ماكئيبه لكن شدخلني انا من الغرفه لبرا على طول ..

سوجانا كلوب منتجع كبير في منطقة سوجانا قريبه من سيلانقور وهو على ثلاث فئات 1/ سوجانا ريزورت
2 / سوجانا كلوب
3 / سوجانا فلل

بالنسبه لي حجزت في الكلوب لإن غرف الريزورت كانت فل ولا حصلت حجز فيها اما الفلل فكانت كبيره وسعره مرتفع حبتين

وبالنسبه للكلوب اللي اخذته كان سعره معقول 650رنجت تقريبآ 870ريال بالليله ,,

يلا تعالوا ع الاوتيل واللي هو بحد ذاته منتجع يغني عن اشياء كثيره ,,

مدخل الكلوب ,,

صورة اللوبي كان شئ والجلسه فيه جدآ رايقه

اول مادخلنا قدموا لنا هذ المشروب وكان ماء بالليمون وماء الورد وفوط بارده عشان نبرد واان معصبه كنت مو يمهم ولا يم فوطتهم وسألت البطله اللي جابت الماي قلت فيه كحول قالت لا قلت ايه هين شيله الله لايهينك ,,

وجوله مع اجواء الاوضا ( الغرفه ) ,,

لقيناه قدامنا ضيافه يعني وماشاءالله على ابو الشباب عرمطه ماعنده وقت عله عافيه ع قلبه ,,,

الغرفه كانت رايقه وتطل ع المسبح ..

دورة المياه جدآ جميله ومريحه ونظيفه واهم حاجه بالرحله والسفر المكان النظيف عشان كذا صورته لكم ,,

صورة المسبح من الغرفه ,,

هنا من برا الغرفه طلعت اخذ صوره اوضح ,,,

صور عامه للمنتجع ,,

والعصفوره هذي تطل علينا ومن جد كنت خايفه تشرف عندي ع الطاوله

الفطور عله عافيه ,,,

كنا جالسين هنا ونطل ع النافوره الرايقه هذي ..

وخلصت وملصت وعدنا بحمدلله ومنه وفضله وهذي آخر صوره في آخر محطاتي صورة هديه جايبتها حق دودو

واتمنى اني افدتكم واعطيتكم معلومه جديده للي حاب يزور المكان ,,

دعواتكم وتقييمكم غوالي ...