يــــــــــاخيّ

[خالد بن منشار]

السلام عليكم
مصافحة من القديم الجديد

[poem=font="(Diwani Letter) ,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]


جيت اشتكي من وحدتي لاهب الكيّ = والصدر من حرّه كما النار كاوي


محروق انا بالبعد والشوق بي حيّ = مشتاق له والجمر فالقلب شاوي


ياحسرتي كان الجفا يسبق الضيّ = يامسرعه ذا الحب ضيّع هقاوي


راح الحبيب ومابقى في يدي شيّ = راح وتركني في حياتي خلاوي


ضامي وفي بعده ابي شربة الميّ = عطشان حبّه ليت يلطف وياوي


ترك بقلبي جرح ماشفت له زيّ = جرح ٍ عميق ومالنا من يداوي


كم قلت لك ياقلب عن حبّهم عيّ = ماطعتني ياقلب طحت امتساوي


ياويل حالي وين انا صرت ياخيّ = تايه وكلّي من فراقه بلاوي
[/poem]

وسلامتكم

[غيمة جده]

ماشا ءالله ابيات جميله وكلمات اجمل بارك الله فيك اخوي

[حـــــارب]

صح لسانك شاعرنا العزيز

لاننحرم من جديدك

[طراد الهوى]

راح الحبيب ومابقى في يدي شيّ = راح وتركني في حياتي خلاوي


ضامي وفي بعده ابي شربة الميّ = عطشان حبّه ليت يلطف وياوي

قطعت قلبي (:
صح لسانك اخوي خالد
ابيات جميله وشاعريه فذه
لله درك

[سراب]

مافيك حيلة اخوي خالد
الكلام مايوفيك
سلمت