بعد الفجر جالس على شطها الهادي
سكونـه الـلـي يــروي أزهــار ورديــة
نـور الغـلا نـورة علـى شطـهـا زادي
مـن قدهـا نالـت تواصيـف حصـريـة
لـو أشـرت يـم القمـر جــاك منـقـادي
فـي ليلتـه كـلّ الخجـل فـيـه مقـريـة
يا زهرة النرجس على ضفـة الـوادي
يضلـهـا مــزن الـغــلا كـــل عـصـريـة
ياريحـة العنبـر ويــا ريـحـة الـكـادي
بارسلكـم مـن خافـي الشـوق برقيـة
النفـس عافـت مالهـا شــف بـالـزادي
أصبحـت مـع درب المحبيـن طرقيـة
أنتي بقلبـي يـا هـوى البـال ومـرادي
ناحت لك أشواقي مثل نوح قمريـة
عز الله أني من هوى الزين منصادي
كـن الحشـا يطعـن بطعنـات شبريـة
جريت لك ياغلا الغلا حلو الأنشادي
حاوي جمال الصوت وابيات منقيـة
مـن حسنهـا ملقـى لهـا شبـه بـبـلادي
الله عليهـا فـاقـت أوصــاف شامـيـة
أثـر الدلـع مـيـزة بـهـا والـدلـع بــادي
والـروح يـا عمـري لكـم دوم مهـديـة
غمـزة بخـده والـحـلا فـيـه ينـشـادي
والشعر يبهر مدعـي الـروح مطويـة
والخـد بـرّاق ن سبـق صــوت رعــادي
والخشم كنه سلت اسيـوف هنديـة
والعيـن حــوراء زانـهـا رب العـبـادي
ورموشها صفـت جيـوش ن سعوديـة
حـبـه بقلـبـي يــاهـلـي دوم ينـعـادي
ينعـش خفـا روح ن مـن الـهـم مبـريـة
لأجـن ليلـي جـانـي الـشـوق جــلادي
كـن الحشـا يقصـف بـغـارات جـويـة
مسكين قلبي من غلا الريم معتـادي
زهرة غلاهـا داخـل الجـوف مسقيـة
من زود حبة ما هتني دوم برقـادي
أحس كبدي من بلا الشـوق مشويـة
أخشـا عليهـا يـا هلـي شــر حـسـادي
شر النفوس اللـي عـن الحـق معميـة
2015-08-27, 01:09 PM
بعد الفجر
العرض العادي
