~هلا يامزون الحب ياوبلهـا اللـي جـاد**هلا بريحة اليشمـوم والفـل والكـادي~

[تناهيد]

,

لقيتك بلا ميعاد وانا على ميعاد
وصرت انت ميعادي وخليت ميعادي

لمحتك سنا برقٍ وحثحثتني رعّاد
تبسمت لي والقلب نبضاته تنادي

هلا بصدفةٍ تحي بلاد وتشب بلاد
هلا ياحيا قلبي ونيران حسادي

هلا يامزون الحب ياوبلها اللي جاد
هلا بريحة اليشموم والفل والكادي

هلا ياوفي العهد يالخاين الجحّاد
هلا ياهنا عيني وتنقيض مرقادي

تواريت عن عيني على حزة المهجاد
ولا شفت لك بينه سوى داخل افوادي

من اقفيت والأعياد ماغير بإسم أعياد
ياوين أهتني بالعيد يافرحة أعيادي

أصدر من الأحزان يم العنا ورّاد
ولا شرب يرويني ... ولا طعم في زادي

أغني على الأشهاد وتحن لي الأشهاد
ولا حن قلبك يوم تحسي تنشّادي

ترى القلب دون شعور بيتٍ بليا أعماد
وبيت بليا أعماد .. طايح ولا فادي

ومتكبرٍ مشتاق ؟ .. حرٍ به الأصفاد
وحر به الأصفاد .. مافز لمنادي

وحب بلا ميصال .. جايع بليا زاد
وجايع بليا زاد ؟ للموت منقادي

وودٍ فقد تقديره ..؟ إن مانقص مازاد
لأنه بلا تقدير آلافه آحادي

ياكم حث قلبي خطوتي تايه ونشّاد
هل الحب ماعيّن حداكم هوى غادي ؟

وهاليوم شفتك صدفة ماهي بميعاد
وخليت ميعادي .. وصرت أنت ميعادي

للشاعر : سعيد بن مانع