ترى البشر ياخوك منقسمه أقسام
بين الردى والطيب شفت الحقايـق
لقيت من صلى وزكا ومن صـام
ولقيت منهو لأقرب النـاس بايـق
ولقيت من قلبه حقـود ٍ ونمـام
ولقيت من قلبـه يعـز الرفايـق
ولقيت من يبني الأمل فوق الأوهام
واللي يموت ولايعـرف العوايـق
ولقيت من يملك بساتيـن وأنعـام
واللي من الحاجه ينـام متضايـق
الله خلق هالخلق سـاده وخـدام
ذي دبـرة الرحمـن رب الخلايـق
وآخرك يابن آدم ترى قطعة الخـام
أمـــر أكـيـد وما يبيلـه وثايـق
يالله عسى ماكون قطاع الأرحـام
وعساي من عقب القبر في حدايـق
جاك الكلام وخذ معه بصمة إبهـام
أن العمـر كلـه مجـرد دقايق
2013-09-29, 02:26 PM
ترى البشر ياخوك منقسمه أقسام.
العرض العادي
