قصيدة الشاعر المعروف
مطلق البعاج البقمي
ياحكومتناالرشيده كل حاجه سيه
الرواتب والمساكن والطرق وبناها
الرواتب ماتكفي واجب الطرقيه
والمساكن من غلاها محدن ينحاها
والرواتب تنسحب بوخيةالجبريه
الدروب كثار لكن عندكم مازاها
والطرق يالله دخليك كلهاحفريه
وكيمرت ساهر كلتنانعنبو مجناها
والغذا غالي وتجار البلد محميه
والاجانب من بلدنا ممتلن مخباها
والتخلف في بلدناحاجتن عاديه
عالمن متخلفه تسرق ولاحدن جاها
الله اكبر كيف دار المملكه ثريه
والمواطن لقمةالطعام مايلقاها
العطاله ضيعت شبابنا في غيه
لين صارو يلجاؤون لضدها واعداها
منهم اللي راح لقرب شله ارهابيه
وشدو حزامه وقالو جنتك تلقاها
يستغلون الشباب فحاجتن شخصيه
مستحيل تمثل الاسلام في مغزاها
ومنهم اللي للمخدر سلم القضيه
وريح اعصابه وخربها وراح فداها
ومنهم اللي فالشوارع بين ذيك وذيه
القدم في سكة الحرام زيد احفاها
والمصيبه بعضهم شهادته فخريه
كان فيها قبل يلقاء واقعه يتباها
وكلبوهم مشكلتهم حاجتن نفسيه
العطاله سببتها والنضام اعماها
ودخلكم من قيمةالبترول فاليوميه
عقب المليار لكن ليه ماشفناها
ووين دخل الحج هو والغاز ياراعيييه
والزكاه اللي تجمع وين هو مثواها
كل عام اعلانكم فالصحف والمرئيه
تبرق وترعد ولكن مايجينا ماها
وكل يوم الصحف تعلن فزعه وعانيه
من حكومتنا لشعبن مستحق ابناها
ابك حنا الاقربون وحالنامرثيه
ليه مدتكم بعيدن دايم معشاها
وليه على غيرنا تاخذكم الحنيه
عندكم بعدالنضر حاجه صعيب دواها
ومشكلتكم ياحكومتنا الرشيده هيه
المهايط والعلوم اللي تبون اصداها
تدعون الانفتاح وسلمكم قمعيه
وتعلنون احرار ياهل المملكه واجزاها
ودي اعرف ويش معنا كلمةالحريه
لني اسمعهاكثيرولااعرف معناها
قلتها هنا وانا سني من السنيه
لحدن يفكر ويعكس حاجتي مبداها
لست ليبرالي ولانيب اهضم الشيعيه
ولست بمعارض على الحكام لوعفناها
بيعتي وحده لكن ابين المخفيه
وموغريب الابن يطلب حاجتن يبغاها
وياحكومتنا الرشيده نار عزك حيه
بس منهو نار شعب المملكه طفاها
2012-09-10, 12:07 PM
ياحكومتنا الرشيدة
العرض الشجري